Astanada taǵy álem chempıonaty

Jeksenbi kúni Astanada ótken Halyqaralyq áýesqoı boks qaýymdastyǵy atqarýshy komıtetiniń kezekti májilisinde boks­tan 2013 jylǵy eresekter arasyndaǵy álem chempıonatyn qabyldaıtyn el belgili boldy. Májiliste atalǵan uıym mú­shelerine Qazaqstan Boks fe­de­ra­sııasynyń vıse-prezıdenti, AIVA atqarýshy komıtetiniń múshesi Serik Qonaqbaev elimiz­diń eresekter arasyndaǵy álem­dik doda­ny ótkizýge ábden laıyq ekenin dáleldep, kórsetý úshin arnaıy ázirlengen tusaýkeser rásimin ót­kiz­di. Osydan keıin AIVA múshe­leriniń biraýyzdy kelisimimen elimiz kelesi álem chem­pıonatyn qabyl­d­aıtyn el bolyp sheshildi. Sony­men birge máji­liste Almaty ob­lysynda Búkil­álem­dik boks aka­demııasynyń qu­rylysyn júr­gizý máselesi qaral­dy. Jıynǵa qaty­sýshylar tamyz aıynyń sońy men qyrkúıek aıy­nyń basynda akade­mııanyń qury­lysyn bastaý týraly kelisimge keldi. Osy kúni 2011-2012 jylǵy maýsymǵa arnalǵan Búkilálem­dik boks serııasynyń (WSB) jerebesi tartyldy. Endi komandalar bu­ryn­ǵy­synsha tórt qur­lyq­qa bó­lin­beı­tin boldy. Komandalar eki topqa bólinip, ár toptan tórt qu­rama kelesi aına­lymǵa shyǵatyn bolyp sheshildi. «Astana arlans» klýby «A» to­byna tústi. Bizben birge bir topta «Dinamo Moscow» (Reseı), «Milano Thunder» (Italııa), «Po­hang Poseidons» (Koreıa), «Los Angeles Matadors» (AQSh), «Mum­bai» (Ún­distan). «V» to­byn­da «Istabbulls» (Túrkııa), «Pa­ris Uni­ted» (Fransııa), «Beijing Dra­gons» (Koreıa), «Baku Fires» (Ázerbaıjan), «Mia­mi Gallos» (AQSh), «Germany» (Germanııa) klýb­tary bar. Májiliste taǵy AIVA-nyń jańa Professional Boxing (ARV) jobasy talqylandy. Bul joba boksty damytyp, sportshy­lar­dyń áleýmettik jaǵdaıyn sheshýge arnalǵan. Joba London Olım­pıadasynan keıin, ıaǵnı 2013 jyl­dyń qańtar aıynda basta­la­dy. Onda jekpe-jekter 10 sal­maq­ta, 3 deńgeıge bólinip ótedi. Halyqara­lyq deńgeıde – 12 raýnd, qur­lyq­tyq deńgeıde – 10 raýnd, ulttyq deńgeıde 8 raýnd bolady. ARV-da AIVA-ǵa múshe ulttyq fe­derasııalardyń boks­shy­lary qa­ty­sady. ARV reıtıngindegi úzdik boksshylar 2016 jyl­ǵy Olım­pıadaǵa joldama alady.