Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıteti Batys Qazaqstan oblysynyń Jánibek aýdanyna qarasty Talovka eldi mekeninde Sibir jarasyna kúdikti eki jaǵdaı tirkelgenin habarlaıdy. Aǵymdaǵy jyldyń 30 shildesi kúni ol adamdar aýdandyq aýrýhananyń juqpaly aýrýlar bólimshesine jatqyzyldy. Naýqastardyń jaǵdaıy ortasha dep baǵalanýda.
Epıdemıologııalyq tekserý kezinde bul azamattar 20 shildede sıyr soıýǵa qatysqany anyqtaldy. 110 kg. et alynyp, órteldi. Batys Qazaqstan oblysynyń SEQKD mamandary mal dárigerlerimen birlesip, oshaqta epıdemııaǵa jáne epızootııaǵa qarsy jumystar atqarýda.