Taqtaıdaı tegis joldyń keıde saqtyqty umyttyratyndyǵy bolady. Osyndaıda jyldamdyqty ústi-ústine arttyryp, mejeli jerge tezirek jetýge asyǵý qapyda qaldyratyndyǵy da málim. Sondyqtan ony boldyrmaý úshin máselen, Astana-Almaty baǵyty boıyndaǵy kúrejolda qoldan kelgen múmkindiktiń bári jasalyp jatyr. Onda júrgizýshiler qaýipti jerge taıanǵan sátte kólik qozǵalysyn baıaýlatýǵa májbúrleıtin jasandy jolaqtar ornatylýda.
Jol qaýipsizdigin qamtamasyz etýge arnalǵan mundaı shara jaqynda Saryshaǵan ústimen ótetin jolda da qoldanyla bastady. Uzyndyǵy 30 metr jolaqtar 200, 300, 500 metr saıyn qaıtalanyp, qaýipti burylystarǵa, oıpańdarǵa, bıiktikterge jaqyndap qalǵandyqty bildiredi. Byltyrdan beri qolǵa alynǵan mundaı bólikter sany qazir 20-ǵa jetti. Saqtyqty saqtaýǵa, abaılap júrýge ıkemdeıtin bul shara jol qaýipsizdigin jaqsartýǵa yqpal etýde. Aldaǵy ýaqytta Balqash – Qaraǵandy aralyǵynda da jasandy jolaqtardyń birnesheýi jasalmaq.
Aıqyn NESIPBAI,
Qaraǵandy oblysy.