Kemshilikke keńshilik bolmaıdy

«Batys Eýropa – Batys Qy­taı» tranzıttik dálizi quryly­syn­da merdiger uıym bolyp ta­bylatyn Ońtústik Qazaqstan ob­lysyndaǵy «Azerkopý/Tepe» bir­lesken kásipornynyń nysa­nyn­da jumysshylar kompanııa basshylyǵyna eńbek jaǵdaı­la­rynda oryn alǵan kemshilikterdi atap kórsetip talaptar qoıǵan. Olardyń qatarynda jumys­shy­larǵa eńbek kelisim-sharttary­nyń berilmeýi, jumys kıimderimen qamtamasyz etilmeý, eńbek zańdylyqtarynyń saqtalmaýy, aýyz sýdyń ýaqytyly jetkizilmeýi sııaqty máseleler bar. Osy jáıttiń anyq-qanyǵyna jetýdi tikeleı qolǵa alǵan «Nur Otan» partııasynyń músheleri burmalaýshylyqtardyń bar ekenin anyqtady. Osyǵan oraı,  Partııalyq ba­qylaý komıtetiniń basshylyǵy, jergilikti atqarý organdarynyń ókilderi jáne  «Azerkopý/Tepe» kompanııasynyń basshylarynyń qatysýymen arnaıy keńes ót­ki­zildi. Keńeste sóz sóılegen «Nur Otan» HDP Partııalyq baqylaý komıtetiniń tóraǵasy Boran Ra­hymbekov kemshilikterdiń oryn alǵandyǵyn atap óte otyryp, eger olar taıaý ýaqytta joıyl­masa Kólik jáne kommýnıkasııa mınıstrligi Avtomobıl jolda­ry komıteti basshylyǵynyń par­tııalyq jaýapkershiligi týra­ly máseleni qaraýdyń kún tártibine qoıylatyndyǵyna nazar aýdardy. Kompanııa basshylyǵy kemshilikterdi moıyndady, sóıtip, ke­ńes qorytyndysynda  olardy 3 tamyzǵa deıin joıý kerek degen sheshim qabyldandy. «Egemen-aqparat».