Qaıyrymdylyq aksııasy bastaldy

Keshe «Nur Otan» HDP Ortalyq appa­­ratynda «Jas Otan» JQ atqarýshy hat­­shy­lyqtyń jetekshisi N.Sydyqov pen «Jas Otan» JQ Astana qalalyq fılıalynyń atqarýshy hatshysy A.Dobrovolskıı áleý­mettik az qam­tylǵan otbasylardaǵy ba­la­lar­ǵa qajetti mektep zattaryn jınaýǵa ar­nal­­­ǵan «Balany mektepke daıarlaıyq!» atty res­pýblıkalyq qaıyrymdylyq ak­sııasynyń bastalýyna oraı brıfıng ótkizdi. Atalmysh is-shara jyl saıyn jaǵdaıy tómen otbasylardan shyq­­qan balalar máselesine qo­ǵam­nyń nazaryn aýdarý, turǵyn­dardyń osy sanatyna únemi qol­daý kórsetip, kómek berý, az qam­tylǵan otbasy men jetim ba­la­larǵa kómektesýge bıznes-qury­lymdaryn jáne úkimettik emes uıymdardy demeýshilikke tartý maqsatynda ótkiziledi. Brıfıng ótkizýshiler osyndaı otbasylar da bizben qatar ómir súrip ot­yrǵanyn eskere otyryp, kómek­tesýge daıyn azamattardy qala­lyq máslıhat depýtattarymen, bıznes qurylymynyń basshyla­rymen, úkimettik emes uıymdar­­dyń belsendilerimen jáne BAQ ókilderimen birlesip qolushyn berýge shaqyrdy. Áleýmettik az qamtylǵan ot­ba­sylardaǵy balalarǵa qajetti mektep quraldaryn jınaýǵa ar­nalǵan «Balany mektepke daıar­laıyq!» atty respýblıkalyq qaı­­yrymdylyq aksııasy 1-26 tamyz aralyǵynda barlyq óńir­lerde óz jalǵasyn tappaq. Respýblıka boıynsha kómekti qajet etetin, jaǵdaılary joq otb­a­sy­lardan shyqqan mektep jasyn­daǵy balalardyń sany 254235 quraıdy. 2010 jyly osy aksııa boıynsha «Jas Otan» JQ 19325 balaǵa kómek kórsetken bolatyn. «Egemen-aqparat».