...ashyq aspan astyndaǵy kınoteatr ashyldy
Taraz qalasyndaǵy Qazaqstannyń Tuńǵysh Prezıdenti saıabaǵynda ashyq aspan astyndaǵy kınoteatr ashyldy. Oblys ákimdigine qarasty mádenıet basqarmasy «Kıno álemi» degen atpen uıymdastyrǵan bul aksııada otandyq kınematografııanyń úzdik týyndylary kórsetiledi. Aksııanyń alǵashqy kúni saıabaqqa kelgen kórermender nazaryna Elbasynyń baldáýren balalyq shaǵy týraly túsirilgen «Balalyq shaǵymnyń aspany» atty fılm usynyldy.
Ústimizdegi jyldyń qyrkúıek aıyna deıin jalǵasatyn aksııada kóptegen qazaq fılmderi kórsetilmek.
Kósemáli SÁTTIBAIULY,
Jambyl oblysy.
...«Qaraótkel-2011» jármeńkesiniń qorytyndysy shyǵaryldy
Osymen 5-shi ret ótkizilgen Qazaqstan agroónerkásip jetistikteriniń «Qaraótkel-2011» jármeńkesinen Qyzyljar óńirinen qatysýshylar úlken jetistiktermen oraldy. Oblys «úzdik pavılon», «úzdik kıiz úı» jáne «úzdik salt-dástúrler» atalymdary boıynsha birinshi oryndy jeńip aldy.
Soltústik Qazaqstan aýyl sharýashylyǵy tájirıbe stansasy «úzdik tuqym sharýashylyǵy», «Sultan Marketıng» JShS «úzdik taýar óndirýshi» atalymdaryna ıe boldy. Aýyl sharýashylyǵy ónimderin shyǵarýmen aınalysatyn sharýashylyqtar arasynan «Arqalyq» ShQ, «Zenchenko jáne K» komandıttik seriktestigi, «Fregat», «Alekrı» seriktestikteri, Mamlıýt un úgý kombınaty arnaı dıplomdarmen marapattaldy.
О́mir ESQALI,
Soltústik Qazaqstan oblysy.
...«Kim? Qaıda? Qashan?» oıynynyń jyldyq jarysy aıaqtaldy
Bul báseke byltyrǵy osy ýaqytta bastalǵan edi. Oǵan 100 komanda qatysty. Sonyń ishinde Qaraǵandy oblysy ákiminiń kýbogyn jeńip alý úshin 17-i saıysty. Birinshi oryndy qaraǵandylyqtar men temirtaýlyq tapqyrlar bólisti. Sonymen qatar ártúrli nomınasııalar boıynsha Nıkıta Renata, Ádil Tájın, Maksım Derıabın, Pavel Soloshenko sııaqty oıynshylar kózge tústi. Qyrkúıek aıynyń sońynda sýperkýbokty ıelenýge aqtyq jarys ótedi.
Aıqyn NESIPBAI,
Qaraǵandy.