2011 jylǵy 22 shilde, Astana, Úkimet Úıi
«Kemeniń nemese jasalyp jatqan kemeniń ıpotekasyn tirkeý týraly aqparat berý erejesin bekitý týraly» Qazaqstan Respýblıkasy Úkimetiniń 2003 jylǵy 17 sáýirdegi № 368 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Kemeniń nemese jasalyp jatqan kemeniń ıpotekasyn tirkeý týraly aqparat berý erejesin bekitý týraly» Qazaqstan Respýblıkasy Úkimetiniń 2003 jylǵy 17 sáýirdegi № 368 qaýlysyna (Qazaqstan Respýblıkasynyń PÚAJ-y, 2003 j., № 17, 175-qujat) mynadaı ózgerister engizilsin:
ataýy mynadaı redaksııada jazylsyn:
«Kemeniń nemese jasalyp jatqan kemeniń ıpotekasyn memlekettik tirkeý týraly aqparat berý erejesin bekitý týraly»;
kirispedegi «Salyq jáne bıýdjetke tólenetin basqa da mindetti tólemder týraly Qazaqstan Respýblıkasynyń 2001 jylǵy 12 maýsymdaǵy Kodeksine (Salyq kodeksi),» degen sózder alyp tastalsyn;
kórsetilgen qaýlymen bekitilgen Kemeniń nemese jasalyp jatqan kemeniń ıpotekasyn memlekettik tirkeý týraly aqparat berý erejesinde:
4-tarmaqtyń birinshi abzasy mynadaı redaksııada jazylsyn:
«4. Zańdy nemese jeke tulǵanyń ótinishi boıynsha tirkeýshi organ ony bergen sátten bastap on jumys kúni ishinde keme tirkelgen Qazaqstan Respýblıkasynyń kemeler tiziliminen úzindi kóshirme nemese kóshirme nysanynda aqparat beredi. Bul rette úzindi kóshirme:».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.