Biz Pavlodar oblysy, Maı aýdany, Aqjar degen aýyldan sizderge hat joldap otyrmyz. Aýylymyz aýdannan shalǵaıda ornalassa da tynys-tirshiligimiz jaqsy, balalar oqyp, aýyl turǵyndary kórshi qalada jumys istep, nápaqasyn taýyp júr.
Endi negizgi aıtpaǵymyzǵa kósheıik. Osydan birer jyldaı buryn aýyl kásipkeri meshit qurylysyn bastaǵan edi. El qýanyshynda shek bolmaı, ashylýyn tosyp kúnder sanap júrdik. Biraq sol kásipkerdiń isi ońǵa aspaı, meshit jartylaı qurylysyna kelgende toqtap, qańyrap bos qaldy. Osy meshittiń qurylysyn aıaqtap, paıdalanýǵa berilýine kómektesetin adamdar tabylyp jatsa, alǵysymyz sheksiz bolar edi.
Ramazan aıy endi bastalǵanda shapaǵatty iske qamqor bolatyn elgezek, meıirimdi, isker jandar tabylatynyna senimdimiz.
Aýyl aqsaqaldary Q.Serımov, K.Ábenov, D.Bısmıldın.
Pavlodar oblysy,
Maı aýdany.