Dalalyq lager shaǵyn qalashyqqa uqsaıdy

30 tamyz – Qazaqstan Res­pýblıkasynyń Konstıtý­sııa­sy kúni Astanadaǵy «Qazaq eli» monýmenti janyndaǵy Bas alańda áskerı sherý ótedi. Sherý el Táýelsizdiginiń 20 jyl­dyǵy men Qazaqstan Res­pýb­lıkasy Konstıtýsııa­synyń 16 jyldyǵyna arnal­ǵan. Oǵan qaty­sý­ǵa qazirdiń ózinde elordaǵa barlyq garnızondardan, Qarýly Kúshterdiń óńirlik qolbas­shy­lyqtarynan sarbazdar men sardarlar keldi. Sherýge qatysatyn áskerı qyzmetshi­lerdi ýaqytsha sho­ǵyr­landyrý úshin 40-shy razez­degi 68665 áskerı bólimniń ja­nynan dalalyq lager jasaq­ta­lyp, áskerıler osyn­da qo­nys­tandy. Al daıyndyq shara­lary kún saıyn ótkizilip ja­tyr. Dalalyq lagerde áskerı qyzmetshiler úshin barlyq jaǵ­daı jasalǵan. Shatyrly qala­shyq qajetti ınfraqu­ry­lym­men qamtamasyz etilgen. Jaýyngerler úshin dalalyq ashana jabdyqtalyp, úsh mezgil tamaqtandyrý jaǵy uıymdas­tyrylǵan. Medısınalyq beketter men monsha da jumys istep tur. Syrttaı qaraǵan­da, 170-ten astam shatyrdan turatyn dalalyq lager sha­ǵyn qalaǵa uqsaıdy. Konstıtýsııa kúni elorda turǵyndary men qonaqtaryna tól áskerimizdegi qarý-ja­raq­tar men jaýyngerlik tehnıka­lardyń san túri kórsetiletin bolady. Sondaı-aq Astana as­pa­nynda áskerı ushaqtar jo­ǵary pılo­taj­dy is-qımyldar jasaıdy. Bıylǵy ás­ke­rı sherý­diń keń aýqymdy ári qyzyqty óte­ti­nine áskerıler senimdi. О́ıtkeni, bul is-shara el Táýel­sizdiginiń jetistikterin pash etedi.               «Egemen-aqparat». Sýretterdi túsirgen Ermek SARBASOV.