Nesıe: Derek pen dáıek

Aqmola oblystyq statıstıka departamentiniń derekteri boı­ynsha, bul ótken jyl­dyń sáı­kes merzimimen salys­tyr­ǵan­da 19 mıllıon teńgege ar­tyq. Berilgen nesıeniń 69,1 paıyzy qys­qa merzimdi, 30,9 paıyzy uz­aq merzimdi jáne onyń 100,8 mıllıon teńgesi jeke tulǵa­lar­dyń, 73,8 mıllıon teńgesi zań­dy tulǵa­lar­dyń úlesinde. Jeke tulǵalarǵa berilgen ne­sıe, negizinen tutyný maq­sa­ty­na (85,5 paıyz) alynsa, qalǵan qa­rajat kásipkerlik maq­satqa (14,5 paıyz) jum­salǵan. Shaǵyn ne­sıe­lerdiń 18,8 paıyzy kepildik múlikpen qamtamasyz etilgen.

Baqbergen AMALBEK, Aqmola oblysy.  

3 115 491 Oblys óńirinde jumys isteıtin sheteldik kompanııalardyń arasyndaǵy eń irisi bolyp tabylatyn «SNPS-Aqtóbemunaıgaz» aksıonerlik qoǵamy bıylǵy jyldyń alǵashqy jartyjyldyǵynda osynsha tonna munaı óndirdi.

Bul josparlanǵannan 2661 tonnaǵa artyq. Ilespe gazdy ıgilikke aınaldyrýda da ilgerileý bar. Osy kezeńde 1567118 myń tekshe metr gaz paıdalanyldy. Al syǵymdalǵan gaz óndirý 96767 tonnany qurady, bul mejelengennen 11287 tonnaǵa kóp. Kompanııa alty aıda syrt­qy jáne ishki rynoktarǵa 1310 mıllıon tekshe metr munaıǵa ilespe gaz, 95600 tonna syǵym­dalǵan gaz ótkizdi. Bıylǵy jyldyń ótken alty aıynda memleket bıýdjetine 120 mıllıard teńgeden astam qarjy tústi. Jalpy aksıonerlik qoǵam bıyl 6180 mıllıon tonna munaı óndirýdi mejelep otyr. Investısııa kólemin 600 mıllıon AQSh dollaryna jetkizý kózdelýde. Qazir kompanııa osy bıikterdi baǵyndyrý jo­lynda jumys qarqynyn art­ty­ra tústi. Bul ústimizdegi jyl­dyń alǵashqy jartyjyl­dy­ǵyn­daǵy óndiristik kórsetkish­ter­den de aıqyn ańǵarylady.

Satybaldy SÁÝIRBAI, Aqtóbe oblysy.  

22 000 Jarkenttikter osynshama gektarǵa dala arýyn egip, mol ónim alýdy mejelep otyr.

Júgeri – jarkenttikterdiń mol tájirıbe jınaqtap, ónim mol­shy­­lyǵyna negiz qalaǵan sa­lasy. Aýdanda jyldan-jylǵa da­la arý­ynyń alqaby ulǵaıyp, úsh jyl buryn 17 myń gektar bolsa, bıyl 22 000 gektardan asyp­ty. Júgeri alqaby jaı­qa­lyp, kúz­de jaqsy ónim alýǵa múm­kin­dik bar ekenin aıtady mamandar. Aýyl sharýashylyǵynda atal­ǵan daqylǵa degen suranys jo­ǵary. Sondyqtan, gektar berekeliligin arttyryp, mıne­ral­dy tynaıtqyshtarmen qorek­ten­di­rýge nazar aýdarylsa, júgeri­niń qatar aralyǵyn qopsytý, óń­deý jumystary qolǵa alyn­ǵan. Onyń syrtynda mıneral­dy tyńaıtqyshpen qorektendi­rý jumystary jalǵasyp, bıyl 15-16 myń gektarǵa 5 myń tonnadaı tyńaıtqysh berilýde. Dı­qandar júgerini ótkizýde kedergi joqtyǵyn aıtady. О́ıtkeni, júgeri qabyldaýshylarmen al­dyn-ala kelisim jasalǵan. Da­qyldyń bıylǵy shyǵysyn ba­ǵam­daǵandar gektarynan 55 sent­nerden ónim alýdy maqsat etýde.

Kúmisjan BAIJAN, Almaty oblysy.