Merekeler qurmetine arnalǵan saıys

Jýyrda shahmattan el táý­el­sizdigi men Elbasy Jarlyǵymen Semeı atom polıgonynyń ja­byl­ǵanyna 20 jyl tolýyna já­ne Astana kúnine arnalǵan saı­ys óz máresine kelip jetti. Tar­tysty ótken bul sport merekesine «Nevada – Semeı»  ıadrolyq synaqtarǵa qarsy halyqaralyq qozǵalysy, Semeıdegi úkimettik emes uıymdar qaýymdastyǵy jáne Kýrchatov qalasyndaǵy Iаd­rolyq tehnologııalar parki AQ mu­ryn­dyq boldy. Jarysqa qatysýshylarǵa Premer-Mınıstrdiń oryn­ba­sa­ry, Qazaqstan Shahmat fede­ra­sııasynyń prezıdenti Áset Isekeshev pen «Nevada – Semeı»  ıad­rolyq synaqtarǵa qar­sy ha­lyq­aralyq qozǵalysynyń prezıdenti, aqyn Oljas Sú­leı­me­novtiń atynan kelip túsken qut­tyqtaý hatyn atalǵan qoz­ǵ­a­lys­tyń vıse-prezıdenti Sul­tan Kar­toev oqyp berdi. Shahmattan ótken birinshilikti alǵashqy jú­risti jasap, ashý qur­meti «Iаdro­lyq tehnologııa­lyq parki» aksıonerlik qoǵa­my­nyń prezıdenti Abzal Qu­saıynov pen Abaıdyń jıeni, respýblıkalyq Abaı qo­rynyń prezıdenti Baltabek Er­sálim­uly­na usynyldy. Qaladaǵy shahmat klýbynda ótken osyndaı merekelik ja­rys­­qa jastary 8 ben 80 ara­ly­ǵyndaǵy qyryqqa jýyq beldi oıynshylar qatysty. Olar­dyń arasynda álem birinshiligine qa­tysqan Sergeı Smotrov syndy belgili shahmatshy men 10 sport sheberligine kandıdat­tyń bolýy kóp nárseni ańǵartsa kerek. Birneshe kúnge sozylǵan tartysty oıyn nátıjesinde laı­yqty je­ńimpazdar anyqta­lyp, syı-sııa­patqa bólendi. Qos jıyrma jyldyq mereke taqaı túsken saıyn Semeıde osyndaı mazmundaǵy saıystar men jarystar jıi ótkizilýde. Dáýlet SEISENULY, Semeı.