Jastar uıymdary kóshbasshylarymen kezdesti

Elbasy, «Nur Otan» partııasynyń Tóraǵasy Nursultan Nazarbaev jastardyń máselelerin basty nazarynda ustap, olardyń Qazaqstan damýyndaǵy kóshbasshylyq rólin únemi atap keledi. Sondaı-aq jastarmen jumys «Nur Otan» qyzmetiniń basty baǵyttarynyń biri bolyp tabylady. Keshe ótkizilgen «Nur Otan» partııasy Tóraǵasynyń birinshi or­ynbasary Nurlan Nyǵmatý­lın­niń jastar uıymdary men odaq­tarynyń kóshbasshy­lary­men, jas kásipkerlermen jáne partııalyq jobalardyń qatysýshylarymen kezdesýi barysynda osy jáne basqa da baǵdarlamalar, sonymen qatar, jas býyndy tolǵan­dy­ra­tyn mańyzdy máselelerdiń bola­sha­ǵy jaıly sóz boldy. Halyq­aralyq jastar kúni qarsańynda ótkizilgen bul kezdesý Qazaqstan Táýelsizdiginiń 20 jyldyǵyna oraılastyryldy. Kezdesýge qatysýshylar al­dyn­­da sóz alǵan Nurlan Nyǵ­matýlın Elbasymyz, «Nur Otan» partııasynyń Tóraǵasy Nursul­tan Nazarbaev jas tulǵanyń úı­lesimdi damýyna barynsha jaǵ­daı jasap kele jatqanyn atap ótti. Búgingi kúni jas qazaq­stan­dyqtar da Qa­zaqstan damýyna zor úles qosýda. Olar eldiń qoǵam­dyq-saıa­sı ómi­rine de, údemeli ın­dýs­trııa­lyq-ınnovasııalyq baǵdar­la­ma­ny jú­ze­ge asyrýǵa da, ǵylymı-zert­teý jumystaryna da atsalysýda. Kezdesý qyzyqty ári mazmun­dy ótti. Baǵdarlamaǵa qatysý­shy­lar olardyń mańyzdylyǵy men ýaqytyly ótkizilgendigin atap kór­setti. Sebebi, jobalardyń ár­qaı­sysy eń aldymen elimizdiń jas býynynyń damýyna, oǵan qoldaý kórsetýge jáne jastardyń óz múmkindigin tolyq paıda­la­ný­y­­na arnalǵan. Tek bir ǵana respýb­lıkalyq «Dıplommen – aýylǵa» partııalyq jobasyna myńdaǵan jas mamandar atsalysty. Jalpy, joba iske asyryla bastaǵan ýa­qyttan beri 13 myńnan astam jas aýylǵa qyzmet etý úshin keldi. «Egemen-aqparat».