«Baldáýren» kesheniniń keleshegi kemel

«Baldáýren» respýblıkalyq oqý-saýyqtyrý ortalyǵynda Bilim jáne ǵylym mınıstri Baqyt­jan Jumaǵulovtyń qatysýymen kóshpeli keńes ótti. Keńeste sóz bolǵan negizgi másele balalar­dyń maýsym demalysy jaıy boldy. Jıynda aǵymdaǵy jyly elimiz boıynsha 1,1 mln. 1-10 synyp oqýshylarynyń qala syrtyn­da­ǵy 220, 5 406 mektepaldy jáne tamaqtandyratyn 961 profıldik lagerlerde, 74 sanatorıı tıptegi, 330 debattyq, 930 sporttyq jáne palatalyq lagerlerde demalǵany aıtyldy. Buǵan qosa jo­ǵary synyp oqýshylaryn eńbekpen qamtý maq­sa­tynda 12,5 myń mektep brıgadalary jumys istegen bolsa, onyń ishinde sáýlettendirý, jóndeý brı­gadalary, otbasylyq-jaldaý, oqý-óndiristik jazǵy eńbek brıgadalary, mektep orman sharýa­shylyqtary jáne t.b. bar. Jıynda balalardy saýyqtyrý máselesimen aınalysatyn mekemeniń modelin qurý qajettiligi týraly basa aıtyldy. «Orlenok» (Reseı), «Kamchııa» (Bolgarııa), «Zýbrenok» (Ýkraına) sııaqty saý­yqtyrý ortalyqtarymen yntymaqtastyq tá­ji­rıbesi bar «Baldáýrenniń» bul oraıda kósh­bas­shy bolýyna tolyq múmkindigi bar desek, onyń halyqaralyq deńgeıge shyǵýyna múmkindik beretin jaǵdaıdyń bári jasalǵan deýge bolady. Keńesten keıin mınıstr «Baldáýren» respýb­lıkalyq oqý-saýyqtyrý ortalyǵynyń ujymy­men tanysyp, kitaphanada, bilim beretin keshende, turǵyn korpýsynda, óner galereıasynda, júzý basseıninde bolyp, aralap kórdi. Mınıstr osy kúnderi «Baldáýrende» ashyl­ǵan Qazaqstan táýelsizdiginiń 20 jyldyǵyna ar­nal­ǵan Ulttar mádenıetteri respýblıkalyq fes­tı­valiniń jas qatysýshylarymen júzdesti. Ol jas jetkinshekterge Prezıdent N.Á. Nazar­ba­ev­tyń balalardyń baqytty jáne senimdi bolyp ósýle­rine kórsetip otyrǵan qamqorlyǵy týraly aıtty. Elbasynyń qoldaýymen qurylǵan osy ǵa­jaıyp lager sonyń dáleli ekenin tilge tıek etti. Qazir «Baldáýrende» 10-shy aýysym demalýda. Bul aýysym kóp ultty bolyp kelýine oraı «Dostyqtyń altyn kópiri» dep atalǵan eken. О́ıt­keni, jyl saıyn bul  aýysymda Qazaqstan Res­pýblıkasynda turatyn az halyqtar men ult­tyq mádenı ortalyqtardyń ókilderi, sonymen bir­ge Ulybrıtanııa, Germanııa, Qytaı, Mońǵolııa, Reseı sııaqty elderden kelgen balalar demalady. «Egemen-aqparat».