Polısııa taǵy bir qyzmetkerinen aıryldy

Aqtóbe oblysynyń IID Ekstremızmge qarsy kúres basqarmasynyń qyzmetkeri qapyda qaza tapty. Qaskúnemder ony úıge aldap ákelip, oq atqan, sońy jarylysqa ulasqan. Qaza bolǵan polısııa qyzmetkeri nebári 28 jasta edi. Marqum Rústem Kenjalın áriptesterimen birge Aqtóbe qalasynda 10 shildede oryn alǵan qyl­mysqa qatysty qozǵalǵan isti tergegen eken. Qylmyskerler taksıde otyrǵan aqtóbelik Nurlan Temirovke oq atqan. Kólik júrgizýshisi zardap shekpegen, ol jolaýshysyn ózi aýrýhanaǵa jetkizip, bolǵan oqıǵa týraly aıtyp bergen. Sonan quqyq qorǵaýshylar jedel-izdestirý sharalaryn júrgizý barysynda Aqtóbe qalasyn­daǵy «Gelıos» janar-jaǵar maı quıý beketinen «VAZ-21014» avtokóliginde otyrǵan osy qyl­mysqa qatysy bar toptyń úsh múshesin ustady. Al úılerdiń birinde jasyrynyp úlgergen   tórtinshi kúdiktini ustaý kezinde ol ishki ister organ­dary qyzmet­kerlerine qarý­ly qarsylyq kórsetken. Kúdiktiniń sol jerde mergender qımyly arqyly kózi joıyldy. Oqıǵa ornyn tekserý barysynda tegis uńǵyly ańshy myltyǵy tabylyp, tárkilendi. Osy oqıǵadan keıin olardyń qylmystyq baıla­nystaryn tekserý maqsatynda qylmysker­lerdiń sybaılastaryn anyqtaý úshin Aqtóbe obly­synyń IID qyzmetkerleri jedel is-sharalar júrgizgen bolatyn. Tergeý jumystaryn jalǵastyrý barysynda IID EQKB qyzmetkerleri kelip túsken jedel aqparat boıynsha «Jańajol» saıajaıyndaǵy qurylysy aıaq­tal­maǵan úıdi tekserýge barǵan. Tekserý kezinde bir áıel ózin úı ıesi retinde tanystyryp, polıseılerdi úıge aldap kirgizgen. Birinshi bolyp úıge Rústem engen. Úı ishinde qandaı jaǵdaı bol­ǵa­ny beımálim. О́ıtkeni, Rústem kirgen boıda atyl­ǵan oqtyń daýysy estilip, sońynan jarylys bolǵan. Úıdiń tóbesi bir sátte ortasyna túskendikten, árip­tes­teri eshqandaı shara qoldana almaı qalǵan. Úıin­di arasynan denesine oq tıgen polısııa qyzmetkeriniń jáne qazirgi ýaqytta kim ekeni anyqtalyp jatqan jigittiń máıitteri tabyldy. Taǵy bir aýyr jaraqat alǵan adam aýrýhanaǵa jetkizildi, alaıda ol kelesi kúni kóz jumdy. Rústem Kenjalın Aqtóbe oblysy Hromtaý aý­da­nynda dúnıege kelgen, ishki ister organdarynda birneshe jyl qyzmet atqardy. Qyzmet atqarý kezinde ózin jaqsy jaǵynan, jaýapkershiligi mol qyzmetker retinde kórsetti jáne ujymda syıly boldy. Árbir iske jaýapkershilikpen qarap,  óziniń qyzmettik mindetterin adal atqara bilgen. О́tken jyly otbasyn qurǵan ol ómiri­niń qysqa bolatyn oıyna da almaǵan bolatyn. Endi, mine, 28 jasynda Rústemniń ómiri qyrshynynan qıyldy, ol qylmyskerlerdiń qolynan oqysta qaza tapty. Almagúl BEKJANOVA. Aqtóbe.