OPEK+ kelisiminiń 25 mamyrda qaıta uzartylatyny týraly pozıtıvti pikirlerden keıin baǵa 47 dollardan kóterilip, búgin 49 dollarǵa deıin jetti.
Degenmen, salystyrmaly túrde baǵa kútkendegiden anaǵurlym arzan. Sarapshylar byltyr osy ýaqytta Brenttiń baǵasy 55 dollardan asady dep boljaǵan. Sáýir aıynda baǵa sol mejege jetkenimen, keıin OPEK+ kelisiminiń uzartylatynyna baılanysty kúmánniń týyndaýyna baılanysty munaı qaıta arzandap ketken edi.
Baǵanyń áli de bosla qalpyna kelmeı jatýynyń bir sebebi AQSh-tan shyǵatyn málimetterdiń ekiudaıylyǵy. Sońǵy ýaqytta qor naryǵynda baǵany tómen alýshylar kóbeıip, bul óz kezeginde naqty naryqta baǵanyń kóterilýine alyp soqqanymen, AQSh munaı-gaz ınstıtýnyń aptalyq derekterinde shıkizat qorynyń áli de bolsa azaımaı jatqandyǵy aıtylýda.
Al Saýd Arabııasy energetıka mınıstrliginiń birer kún buryn jasaǵan málimdemesine súıensek, OPEK elderi atalǵan kelisimdi qaıta uzartýǵa múddeli eken. Osy jańalyqtan keıin munaı baǵasynyń trendi joǵary tartqan.