EUÝ erledi

L.N.Gýmılev atyndaǵy EUÝ álemniń 20 myń joǵary oqý oryn­dary arasynda ótken reıtıngte 4082-shi orynǵa ıe boldy. 2011 jyldyń shilde aıynda ótkizilgen reıtıngte L.N. Gý­mı­lev atyndaǵy EUÝ Webometrics málimetteri boıynsha, elimizdegi joo arasynda mundaı orynǵa ıe bolǵan jalǵyz ýnıversıtet. 4 601-shi pozısııada Qazaqstan menedj­­ment, ekonomıka jáne boljaý ınstı­tý­ty bolsa, E.Bóketov at­yn­daǵy Qa­raǵandy memlekettik ýnıversıteti 4 897-shi orynda. Webometrics ýnıversıtet saıt­tarynyń reıtıngin «Laboratorio de Internet» atty ıspandyq zertteý toby júrgizedi. Álemniń 20 myńnan astam joo arasynda ót­ken reıtıngte ýnıversıtettegi ǵa­­­lamtor jelisindegi ǵylymı ja­rııalanymdar, ár joo ǵalym­da­rynyń zertteý eńbekteri, olar­ǵa jasalǵan silteme eskeriledi. Ýnı­versıtettiń ǵylymı já­ne ǵy­lymı-zertteý jumystar­y­nyń nátıjesi jylyna eki márte qań­tar jáne shilde aılarynda ja­rııa­lanyp turady. Máselen, 2010 jyldyń shildesinde ótkizilgen reıtıng qory­tyn­dysy boıynsha L.N.Gýmılev at­yn­daǵy EUÝ 7891-shi orynda bolsa, týra jarty jyl ótken kezde, ıaǵnı 2011 jyldyń qańtarynda 5 216-shy pozısııaǵa ıe bolǵan bolatyn. Sonymen L.N.Gýmılev atyn­daǵy EUÝ Qazaqstandaǵy bilim berý salasyndaǵy kóshbasshy eke­nin taǵy bir márte dáleldedi. QS World University Rankings reı­tınginiń málimetine saı ál­emdegi eń úzdik 500 ýnıversıtet qata­ry­nan kórinip qana qoımaı, álemniń 20 myń joo arasynda ótken reıtıngte 12 myń pozısııa boıynsha 4082-shi orynǵa ıe bolyp, reıtıng qorytyndysy jańalan­ǵan saıyn joǵary satyǵa kó­te­rilip keledi. Bul – álemdik ǵy­ly­mı qaýymdas­tyq bergen joǵary baǵa, L.N. Gýmılev atyndaǵy EUÝ ǵalymdary eńbeginiń jemisi, oqytýshylar men stýdentter tókken terdiń elengeni. «Egemen-aqparat».