О́z suraqtaryna naqty jaýaptar aldy

Keshe «Nur Otan» halyqtyq-demokratııalyq partııasynyń bastamasymen «Bıznestiń jol kartasy-2020» baǵdarlamasy aıasynda memlekettik qoldaýǵa ıe bolý máseleleri boıynsha azamattardy Biryńǵaı qabyldaý kúni keń aýqymdy aksııasy partııanyń barlyq fılıaldarynda ótkizildi. «Nur Otan» partııasy Tór­aǵa­synyń birinshi orynbasary Nur­lan Nyǵmatýlın óz qabyldaýyn ótkizgen partııa Ortalyq appa­ra­tynyń qoǵamdyq qabyldaý ból­mesine bıznes ókilderi ózderin tol­ǵandyrǵan ártúrli másele­ler­ge jaýap alý úshin keldi. Ol – jańa jabdyqtardy satyp alý, óndiristi keńeıtý úshin qosymsha memlekettik qoldaýǵa ıe bolý, zamanaýı bıznes-tehnologııalar boı­ynsha bilim alý, sýbsıdııalaý jáne nesıeleýge qatysty máseleler. Mysaly, «№4 Avtobýs parki» JShS dırektory Násipbaı Sma­ǵu­lov «Bıznestiń jol karta­sy-2020» baǵdarlamasy boıynsha lızıngtik kelisim-sharttar negizinde paıyzdyq mólsherlerdi sýbsıdııalaý múmkin be degen su­raqpen kelgen eken. Ol alǵan jaýabyna tolyq qanaǵattandy. – «Nur Otan» partııasy prezıdenttik baǵdarlamalar boıynsha óte jaqsy jumys istep jatqanyn bilemin. Biryńǵaı qabyldaý kúni ótkiziletinin bilgen soń, partııa­nyń qoǵamdyq qabyldaý ból­me­sine keldim. Búgin meniń suraǵyma jaı ǵana mazmundy jaýap bermeı, sonymen birge, Ekonomıka mınıstrligimen birlesip, máselemdi she­shýdiń naqty joldaryn anyqtap berdi, – dedi N.Smaǵulov. Al Artem Sheglov qaǵaz qaldyqtaryn qaıta óńdeý jáne jumyrtqa qap­tamasyn jasap shyǵarýmen aına­lysatyn kásiporynda jumys isteıdi. Ol óz óndirisin keńeıtpek nıette. Ol úshin onyń oıynsha, tıisti bilim alý qajet. «Bıznestiń jol kartasy-2020» baǵdarlamasy boıynsha osyndaı jaǵdaıda kó­mek qarastyrylǵan ba? – «Bıznestiń jol karta­sy-2020» prezıdenttik baǵdarla­masy óte durys jáne biz úshin asa qajet. Jáne de búgin qabyldaýǵa kelip, men osy baǵdarlama sheń­berinde «Isker baılanystar» jo­basy bar ekenin bildim. Osy joba kásipkerlerdiń bıznes-trenıngterden ótip, bıznes júrgizýdiń zamanaýı ádis-tásilderin oqyp-bi­lýine múmkindik beredi. Men mindetti túrde osy múmkindikti paı­dalanamyn, – dep aǵynan ja­ryl­dy ol. Osy kúni partııa Tóraǵasynyń birinshi orynbasary Nurlan Nyǵ­matýlınniń qabyldaýyna, sondaı-aq «Folıant» baspasynyń, «Eljas AJ» balabaqshasynyń ókil­deri de keldi. Olardyń barlyǵy óz suraqtaryna naqty jaýaptar aldy. Respýblıkalyq aksııanyń qo­rytyndylaryn shyǵara kelip, Nur­lan Nyǵmatýlın: «Búgin eli­mizdiń barlyq aımaqtarynda ót­kizilip jatqan «Biryńǵaı qabyl­daý kún» aksııasy, ol eń aldymen, Elbasymyz, «Nur Otan» partııa­synyń Tóraǵasy Nursultan Ábish­uly Nazarbaevtyń bastamasymen qabyldanǵan asa mańyzdy baǵdar­lamalar boıynsha halyqtyń to­lyq aqparat alýyna múmkindik ber­di. Jáne de búgin elimizdiń júz­degen kásipkerleri óz suraq­taryna da naqty jaýaptar  aldy», – dedi. «Nurotandyqtardyń» aıtýyn­sha, «Biryńǵaı qabyldaý kúni» bir rettik aksııa emes. Halyqtyń mun­daı is-sharalarǵa degen qyzy­ǵýshylyǵy óte joǵary. Sondyq­tan partııa aldaǵy ýaqytta da osyndaı aksııalardy ótkizbekshi. Jyl basynan beri partııanyń qoǵamdyq qabyldaý bólmelerine 34 myńǵa jýyq ótinish kelip tús­ti. Bul – halyqtyń Prezıdenttiń partııasyna degen zor seniminiń dáleli. Álısultan QULANBAI.