Qazaqstan Respýblıkasy Prezıdentiniń 2011 jylǵy 21 shildedegi №118 Jarlyǵymen Eldi aýmaqtyq-keńistikte damytýdyń 2020 jylǵa deıingi boljamdy shemasy (budan ári – Boljamdy shema) qabyldandy.
Boljamdy shema Memlekettik josparlaý júıesiniń quramdas qujattarynyń biri jáne ekonomıka salalaryn, ınfraqurylymdy damytý men óńirlik damý máseleleri keshendi túrde qaralǵan Qazaqstan Respýblıkasy damýynyń 2020 jylǵa deıingi strategııalyq josparyn iske asyrýynyń eń mańyzdy quraly bolyp tabylady.
Boljamdy shemanyń maqsaty elimizdiń óńirleri men ekonomıka salalarynyń áleýmettik-ekonomıkalyq áleýetin tıimdi paıdalaný jáne damytý negizinde halyqtyń ál-aýqatynyń ósýin qamtamasyz etetin jaǵdaı jasaý bolyp tabylady.
Aıqyndalǵan negizgi mindetter:
- óndiristik jáne eńbek resýrstarynyń «ósý núktelerinde», ekonomıkalyq turǵydan perspektıvaly jáne tirshilikke qolaıly aýdandarda aýmaqtyq shoǵyrlanýyn yntalandyrý;
- iri qalalarda ınnovasııalyq ekonomıkanyń negizin qalaý maqsatynda ýrbandalý men agromerasııalyq prosesterdi yntalandyrý men rettep-damytý;
- elimizdiń jáne onyń árbir óńiriniń resýrstyq áleýetin, olardyń artyqshylyqtaryn ońtaıly paıdalaný;
- elimizdiń Eýrazııa qurlyǵyndaǵy toraptyq jáne tranzıttik ornalasýynyń artyqshylyqtaryn iske asyrý jáne elimizdiń ishki baılanystylyǵyn kúsheıtýge baǵyttalǵan aýmaqtyq-keńistikte damytýdyń arqaýly júıesin qurý;
- óńirlerdiń respýblıkalyq, óńirlik jáne halyqaralyq eńbek bólinisindegi básekege qabiletti ekonomıkalyq mamandanýyn qalyptastyrý;
- turǵyndardyń memleket kepildik bergen áleýmettik qyzmetterge, ásirese aýyldyq jerlerde jáne shalǵaı aýdandarda birdeı qol jetkizýin qamtamasyz etýge baǵyttalǵan, halyqty jáne áleýmettik obektilerdi ornalastyrýdyń ońtaıly júıesin qalyptastyrý.
- óndirgish kúshterdi ornalastyrý men halyqty qonystandyrýdy uıymdastyra otyryp ınjenerlik (kóliktik, energetıkalyq, sondaı-aq sýmen qamtamasyz etetin) ınfraqurylym nysandaryn perspektıvaly ornalastyrýdy ózara ushtastyrý;
- aýyl sharýashylyǵyn, orman sharýashylyǵyn, turǵyn aımaqtaryn bólýdi eskere otyryp, rekreasııalyq jáne ındýstrııalyq aımaqtardy, erekshe qorǵalatyn tabıǵı aýmaqtardy uıymdastyrý men aýmaqtyq damýdyń fýnksıonaldy aımaqtarynyń perspektıvaly quramyn qalyptastyrý;
- ekonomıkanyń barlyq salalarynda jáne óńirlik deńgeıde memlekettik-jeke menshik seriktestik tetigin engizý;
- tabıǵatty utymdy paıdalaný jáne qorshaǵan ortaǵa ekologııalyq júktemeni azaıtý arqyly aýmaqtardyń ekologııalyq jaı-kúıin jáne halyqtyń ekologııalyq qaýipsizdigin jaqsartý;
- shekara mańyndaǵy aýmaqtardy damytý jáne Biryńǵaı ekonomıkalyq keńistik pen Keden odaǵynyń jumys isteýin eskere otyryp, olardyń saýda-ekonomıkalyq, kóshi-qon, óndiristik, ǵylymı jáne mádenı baılanystaryn kúsheıtýge jaǵdaı jasaý.
Boljamdy shema 4 bólimnen turady.
«I. Aýmaqtardyń ekonomıkalyq áleýetin taldaý jáne baǵalaý» bóliminde óńirler áleýmettik-ekonomıkalyq áleýeti boıynsha jiktelgen, eldegi jáne óńirler bóligindegi demografııalyq damý men ýrbandalý úrdisterin eskere otyryp, demografııalyq jáne eńbek áleýetine baǵa berilgen, halyqtyń áleýmettik jáne ınjenerlik ınfraqurylymmen qamtamasyz etilýi baǵalanǵan.
«II. Aýmaqtyq-keńistikte damytýdyń negizgi baǵyttary» bólimi eldiń aýmaqtyq-keńistikte damýynyń 2020 jylǵa deıingi maqsattaryn, mindetterin aıqyndaıdy, óńirlerdi damytý ssenarııleri ınersııalyq jáne basqarylatyn dep sıpattaǵan.
О́ńirlerdi damytýdyń negizgi strategııalyq baǵyttary belgilengen:
ekonomıkalyq damý, onyń ishinde ónerkásip boıynsha, agroónerkásip kesheniniń áleýetin qalpyna keltirý jáne damytý, qazirgi bar óndiristik áleýetti qoldaý, óńirlerdiń qajetin eskere otyryp jańa óndirister qurý;
týrıstik-rekreasııalyq áleýetti, kóliktik-logıstıkalyq qyzmetti jáne basqalardy damytý;
áleýmettik saıasat boıynsha, onyń ishinde eńbek naryǵyn damytý, kedeılikti azaıtý, halyqtyń jumysbastylyǵyn qamtamasyz etý jáne kadr tapshylyǵyn joıý, áleýmettik ınfraqurylymdy damytý jáne áleýmettik qyzmetter sapasyn jaqsartý.
Qujattyń aıasynda aýmaqtardyń ekologııalyq jaı-kúıin jaqsartýǵa basa nazar aýdarylǵan. Atmosferaǵa zııandy zattardy shyǵarýdy azaıtý, ónerkásiptik jáne turmystyq qaldyqtardy óńdeý-jaratýdy jetildirý máseleleri qarastyrylǵan.
«III. Qazaqstan Respýblıkasynyń ekonomıka sektorlaryn damytýdyń boljamdy shemasy» bólimi ındýstrııalyq sektordyń, agroónerkásip kesheniniń, ınjenerlik-kóliktik ınfraqurylymnyń perspektıvaly damý shemasyn aıqyndaıdy.
«IV. Aldaǵy onjyldyq kezeńinde Eldi aýmaqtyq-keńistikte damytýdyń boljamdy shemasyn iske asyrý monıtorınginiń ındıkatorlary» bóliminde aldaǵy onjyldyq kezeńinde óńirlerdi damytýdyń negizgi kórsetkishteri men ekonomıka salalaryn damytýdyń boljamdy parametrleri turǵysynan monıtorıng júrgizý úshin ındıkatorlar kózdelgen.
Qazaqstan Respýblıkasy Prezıdenti Ákimshiliginiń Strategııalyq ázirlemeler jáne taldaý ortalyǵy.