Teńbil dop teýip erledi

«KazKA» Qazaqstan kásip­ker­le­riniń assosıasııasy 2011 jy­ly 1 shildede  fýtboldan týrnır ót­kizdi. Oǵan qatysýshy 30 ko­man­danyń arasynda «KazEnergy» as­sosıasııasynyń atynan tús­ken  «QazTransGaz» aksıonerlik qoǵa­my­nyń koman­dasy  birinshi oryn­dy jeńip al­dy. Týrnır Al­maty qalasyn­daǵy «Football Land» fýtbol ortalyǵynyń alań­da­rynda ót­ti. Básekege tús­ken fýt­bol­shy­lardyń ónerin ta­ma­shalaýǵa jan­­kúıerlermen birge jurtshy­lyq ta kóp jınaldy. Sonymen ile-shala «QazTrans­Gaz» AQ komandasy ústimizdegi jyl­dyń 30 shildesinde Gazprom Germania kompanııasynyń shaqy­rýy­men Berlın qalasynda ótken halyqaralyq fýtbol saıysyna sap túzep synǵa tústi. Oǵan jeti memleketten kelgen 12 komanda qatysty. Atap aıtar bolsaq, olar Germanııa, Ulybrıtanııa, Shveısarııa, Reseı, Túrkııa, Qazaqstan jáne Chehııa tárizdi elderdiń ko­mandalary edi. «QazTransGaz» aksıonerlik qoǵamynyń komandasy bul týrnırge tuńǵysh ret qatysyp, taban tiresken tartysta úshinshi oryn­dy jeńip aldy. Jigitterimiz teńbil dop teýip erledi. Jerlesterimiz jartylaı fınalda FC Schalke 04 (Shalke 04) komandasynan 0:1 eseppen utylǵanyna qaramastan, 3-shi orynǵa talasqan matchta Hertha (Gerta) komandasyn 3:0 esebimen jeńip shyqty. «QazTransGaz» AQ komandasynyń oıynshysy Erlan Orazaev dodaly jarysta shalt qımyldap aıshyqty oıyn órne­gimen erekshelenip, qaqpaǵa dop soǵýshy eń úzdik surmergen degen  ataqty qanjyǵasyna baılady. Atap aıtatyn bir jaıt,      «Qaz­TransGaz» aksıonerlik qo­ǵamy 2000 jyly munaı-gaz sala­syndaǵy jumystardy júıelen­dirý úshin qurylǵan bolatyn. Kompanııa qa­zirgi ýaqytta gaz barlaý, óndirý, tasymaldaý jáne bólý kezinde aktıvterdi  korporatıvtik basqarý bo­ıynsha qyzmetti júzege asy­rady. «QazTransGaz» AQ kom­pa­nııalary tobynyń quramyna gaz óndirýshi, tasymaldaýshy jáne satýmen aınalysatyn, sonymen birge onyń ónimderin óńdeýshi kásip­oryndar men servıstik qyzmetter kórsetýshi uıymdar kiredi. Irgeli de kúrdeli jumystar atqaryp otyrǵan kompanııa enshiles jáne salalas kásiporyn­darynyń áleý­met­tik máselesine de árdaıym nazar aýdaryp keledi. Sonyń naqty aıǵaǵyndaı – jumyskerlerdiń áleý­­mettik-mádenı tirshiligi jyl­dan jylǵa jaqsarý ústinde. Sa­lamatty ómir saltyn qalyp­tas­tyrýdy dástúrge aınaldyrǵan kom­panııanyń saýapty isi órken jaıyp, órisi keńeıetindigine shúbá joq. Marat AQQUL.