Táýelsizdikke tartý

Jaqynda el Táýelizdiginiń 20 jyldyǵyna arnalǵan alpınıada máresine jetti. Elimizge eńbegi sińgen sport she­­beri, alpınıst Dmıtrıı Mýravev bastaǵan top Qazaqstan hal­qynyń sońǵy 20 jyldaǵy birligi men yntymaqtastyǵyn elimizdiń eń bıik núktesi – Han Táńiri shy­ńy­na shyǵý arqyly kórsetýge nıet etip saparlap qaıtty. Qazaqstanda tatý-tátti ómir sú­rip jatqan halyqtardyń birligin nasıhattap, Han Táńiriniń shyńyna shyǵý ıdeıasynyń avtorlary – «Nur Otan» HDP ardageri Serik­qa­lı Mu­qashev pen Qazaqstan Res­pýblıkasy Alpınızm jáne quzǵa órmeleý fe­derasııasynyń prezıdenti Qazbek Ýálıev. Serikqalı aǵamyzdyń aıtý­ynsha, elimizdiń 20 jyldaǵy jetistigi ózge elderge úl­gi bolarlyq nár­se. О́ıtkeni, osyn­shama ýaqytta bas­qa elderde daý-janjal, áskerı qaq­tyǵystar bo­lyp jatqanda tek Qa­zaqstanda ǵa­na saıası turaqtylyq, halyqtar arasynda dostyq pen yn­tymaq­tas­tyq saqtalyp otyr. Osy­nyń bári Elbasy Nursultan Nazar­baevtyń saıasatynyń arqasy. Onyń ishki jáne syrtqy saıasattaǵy us­tany­myn búkil álem moıyndady. Qazir taǵdyrdyń jazýymen elimizde qo­nystanǵan kóptegen etnostar El­basynyń saıasatyn baǵalap, qazaq elin kıeli shańyraq dep biledi. Sondyqtan elimizdiń birligi men yntymaqtastyǵyn nasıhattaýdyń jańa tásili retinde Han Táńiriniń shyńyna saıahat jasaý tańdap al­yndy. Basynda taýǵa sapar jasaý jospar boıynsha birneshe kúnge sozylýy kerek edi. Biraq, qar kósh­kini jobany tolyǵymen iske asy­rýǵa kedergisin keltirdi. Alpı­nıa­daǵa qatysqan 20 shaqty otan­da­symyz aqyldasa kelip, muzdaqty qar basyna shyqpaı-aq qoıýdy jón kórdi. Saıahatshylar arasynda ózge ult pen túrli dinderdiń ókilderi boldy. Olar alpınıadaǵa qatysý úshin qajetti daıyndyqtan ótti. Bi­raq, qar kóshkini qaýpi týǵanda, olar baǵyttyń birinshi bóligin aıaqtap, shamamen 5 myń metr bıiktikke kóterildi. Ekinshi kúni de os­ynshama mejeni baǵyndyrý jos­par­lanǵan bolatyn. Alaıda Han Táńiride jaýǵan qar olardyń bul oıyna kedergi keltirdi. Sóıtip, saıahatshylar ortaq mámilege kelip, taýǵa ári qaraı shyǵýdy toqtatty. Saıahatshylar tobynyń jetekshisi bolǵan Dmıtrıı Mýravev týraly aıtsaq, onyń esimi alpınıster arasynda keńinen tanymal. Ol 1995 jyly álemdegi eń bıik núk­te, teńiz deńgeıinen 8 848 metr joǵary turǵan Everest shyńyn baǵyndyrǵan alpınıst. Al Han Táńirine ol bes ret shyqqan. Han Táńiri shyńynyń teńiz deńgeıinen bıiktigi 7 010 metr.