Ramazan – nur shashqan aı

Barsha musylman qaýymy asyǵa kútetin Ramazan aıy bıyl da bereke-birligimizge keńinen jol ashyp, meıirimniń, shapaǵat­tyń shýaǵyn tógip otyr. Ony búgin nazarlaryńyzǵa usynyp otyrǵan oqyrman hattarynan da aıqyn baıqaýǵa bolady. О́te ózekti másele Barsha jurtshylyqtyń qur­metine bólengen, jyldan-jylǵa taralymy artyp kele jatqan «Egemen Qazaqstan» gazetinde jaryq kórgen Bas múftıdiń mınıstrlikter men sala jetekshilerine, oblys, qa­la, aýdan bas­shy­la­ryna, kásip­ker­ler men el hal­qyna qasıetti Ramazan aıyna baı­lanysty jol­daǵan ún­deýin to­lyǵymen qoldaımyn. Bul úndeý, menińshe, barlyq qazaqstandyqtardyń kóńilinen shyqty dep oılaımyn. Úndeýde ózekti máseleler oryn­dy kó­ter­ilgen. Oraza kezinde azyq-túlik­ter­diń baǵasyn kásipker jigitter tómendetip, olarǵa jeńil­dikter ja­­saýy – úlken qamqorlyq. Saıran BUQANOV , «Qarqyn» jaýapkershiligi shekteýli seriktestiginiń dırektory, Qazaqstannyń Eńbek Eri. Qostanaı oblysy.   Bárimizge oı saldy Qasıetti Ramazan aıy mu­syl­mandar úshin eń qasıetti de qa­dir­li, berekeli de yrysty aı. Bul aıda taǵdyrymyzǵa jaqsy­lyq beretin Qadir túni bar. Ári barsha musylman oraza tutyp, Alla al­dynda nıeti synalady. Sondyq­tan barshamyzǵa Alla ­ta­ǵala taý­fıq-hıdaıat berip, ıma­ny­myz­dy berik, nıetimizdi qabyl etsin. Halyqtyń kún­kó­risine jeńildik pen kómek, eline Alladan rızyq-nesibe su­ral­ǵan úndeý barsha musylmandarǵa oı salǵany anyq. Endi ózime kelsem, bir adam qolymnan namaz kita­byn satyp alyp, sájdege mań­daıyn tıgizse, múmkin bul bireýlerge jaı nárse bop kóriner, al men úshin ol zor baqyt! Son­dyq­tan azdy-kópti bolsyn, Bas múftıdiń: «Bul úndeý barsha adamzat bala­syna mol rızyq berýshi Alla ­ta­ǵalanyń razyly­ǵy­na biz­diń jur­tymyz munan ári qaraı da bólenip, saýabyna ıe bola berse degen izgi maqsattan týyp otyr», dep aıtqanyndaı, Alla­nyń ra­zylyǵyna bólený úshin osy Ramazan aıynda bar jaq­sy­lyq nıetimizdi tógeıikshi, aǵaıyn! Saqysh Qabdollaqyzy, jeke kásipker. О́skemen.   Igi istiń saýaby mol Qyzyljar óńirinde oraza kún­­deri dúkenderde araq-sharaptyń satylmaýyna, azyq-túlik, taǵam ónimderiniń, kommýnaldyq qyz­metterdiń arzandaýyna qandas­ta­rymyz óz úles­terin qosýda. Mysaly Taıynsha aýdanyna qa­rasty Teńdik aýy­lyndaǵy serik­testiktiń jetekshisi Orynbaı qa­jy dúkenderge ishimdik ataýly­ny ákelýge tyı­ym salyp, kún­delikti tutynatyn taǵamdar men taýarlar baǵala­rynyń qolje­tim­diligin qamtama­syz etip otyr. Oblys orta­ly­ǵyndaǵy «Qyzyl­jar» ortalyq meshitindegi ashanadan jaıshy­lyqta adamdar arylmaıtyn. Ora­za aıynda aýyz ashtyrý­shy­lar qatarynyń tipti kóbeıip ketetini belgili. Osy jaǵyn eskerip, ashana baǵasy 15 paıyzǵa arzandatyldy. Aýdan­da­ǵy meshit­terde de qyzmet kór­setý baǵasy edáýir tómendedi. Al biz bolsaq, saýapty ister jasaýǵa shaqyratyn úndeýdiń mán-mańyzyn júrgen jerlerimiz­de keńinen túsindirip, aıta jú­rý­di bir paryzymyz sanaımyz. Qasymhan qajy ABDOLLAULY, Soltústik Qazaqstan oblysynyń ókil ımamy.   Nıet bolsa, bitpeıtin is joq Bas múftıdiń úndeýinde aı­tylǵan jáıtter «Saraıshyq» halal meıramhanasynda búginde anyq júzege asýda. Ol qaladaǵy jalǵyz halal tamaq ishetin oryn desek te bolady. Turǵyndarǵa musyl­mandyq sharıǵat talapta­ryna saı qyzmet kórsetip kele jatqan meıramhana óz bedelin kún ótken saıyn kóterip kele jatyr. Jyl saıynǵy Ramazan aıynda aýyzashar berý, basqa da saýapty isterdi úzbeı jasaıtyn «Saraıshyq» meıramhanasynyń basshysy Erlan Aldaspaev bı­yl­ǵy múbárak Ramazan aıynda mázirdiń baǵasyn 15-20 paıyzǵa arzandatqan. – Biz qaladaǵy jalǵyz halal meıramhana bolǵandyqtan Ábsat­tar qajy Derbisáliniń úndeýine ún qosýdy jón dep taptyq. Bir aı boıyna atyraýlyqtarǵa je­ńildikpen qyzmet etpekpiz. Mu­nymen qatar Ramazan aıynyń bir kúninde aýyz bekitken ja­ma­ǵatqa tegin aýyzashar uıymdas­tyrýdy da josparlap otyrmyz, – deıdi meıramhana ákimshisi Laý­ra Begejanova. Iá, «Saraıshyq» halal meı­ramhanasynyń ıgi isin ózgeler de jalǵastyrsa quba-qup. Al múf­tıdiń qasıetti aıda araq-sha­rap­tan, sharıǵatymyz tyıym sal­ǵan basqa da haram is-áreket­ter­­­den aýlaq bolýǵa shaqyrǵan tilegin qoldaýshylar tipten kóbeıip tur. Álpesh SADYQ.   Halyqqa paıdaly is degen osy Bas múftı Ábsattar qajy Derbisáli hazrettiń barsha qa­zaqstandyqtarǵa arnaǵan úndeý­in jyly júrekpen qabyl aldyq. Ondaǵy múbárak aıdyń qurme­tine azyq-túlik baǵasy arzan­da­tylsa, qazaq eli araq-sharaptan ózin aýlaq ustasa degen tilegi kim-kimniń de kóńilinen shyq­qa­nyna senimdimin. Aıtaıyn degenim, biz úndeýdi qabyl alyp, onda aıtylǵandardy oryndaýǵa kirisip te kettik. Máselen, ózim basshylyq jasaıtyn «Aq jelken» shyǵarmashylyq ortalyǵy búginde halyqqa 10 paıyz je­ńil­dikpen qyzmet etýdemiz. Bo­la­shaqta da halyqqa paıdaly osyndaı usynystardy qoldaı bermekshimiz. Qasıetti aıda barsha qazaq jurtyna birlik-bereke, tatý tirlik tileımin. Eldiń, jerdiń aman­dyǵy men tynyshtyǵy – bar­sha­­myz­dyń amandyǵymyz ben bú­tin­digimizdiń kepili. Jaratqan Ie­miz ustaǵan orazamyzdy qa­byl etsin! Nurbergen DÁÝLETOV, jeke kásipker, «Aq jelken» shyǵarmashylyq ortalyǵynyń dırektory. Atyraý oblysy.