2011 jylǵy 28 maýsym, Astana qalasy
«Azamattyq qyzmetshilerdi attestasııadan ótkizý sharttaryn jáne erejesin bekitý týraly» Qazaqstan Respýblıkasy Eńbek jáne halyqty áleýmettik qorǵaý mınıstriniń 2007 jylǵy 20 shildedegi № 168-ó buıryǵyna ózgeris engizý týraly
Qazaqstan Respýblıkasy Eńbek kodeksiniń 233-babyna, «Arnaýly áleýmettik qyzmetter týraly» 2008 jylǵy 29 jeltoqsandaǵy Qazaqstan Respýblıkasy Zańynyń 8-baby 2) tarmaqshasyna sáıkes buıyramyn:
1. «Azamattyq qyzmetshilerdi attestasııadan ótkizý sharttaryn jáne erejesin bekitý týraly» Qazaqstan Respýblıkasy Eńbek jáne halyqty áleýmettik qorǵaý mınıstriniń 2007 jylǵy 20 shildedegi № 168-ó buıryǵyna (Normatıvtik quqyqtyq aktilerdi memlekettik tirkeýdiń tizilimine № 4883 bolyp tirkelgen, Qazaqstan Respýblıkasynyń Ortalyq atqarýshy jáne ózge de ortalyq memlekettik organdarynyń aktiler jınaǵynda jarııalanǵan, 2007 jyl, maýsym-tamyz) mynadaı ózgeris engizilsin:
kórsetilgen buıryqpen bekitilgen Azamattyq qyzmetshilerdi attestasııadan ótkizý sharttary jáne erejesinde:
1-tarmaq mynadaı redaksııada jazylsyn:
«1. Osy Azamattyq qyzmetshilerdi attestasııadan ótkizý sharttary jáne erejesi (budan ári – Ereje) Qazaqstan Respýblıkasy Eńbek kodeksiniń 233-babyna sáıkes ázirlendi jáne Qazaqstan Respýblıkasy Eńbek jáne halyqty áleýmettik qorǵaý mınıstrliginde, onyń vedomstvosynda jáne olardyń aýmaqtyq organdarynda, Qazaqstan Respýblıkasy Eńbek jáne halyqty áleýmettik qorǵaý mınıstrliginiń qaramaǵyndaǵy qazynalyq kásiporyndarda, sondaı-aq jumyspen qamtý jáne áleýmettik qamsyzdandyrý salasyndaǵy qyzmetti júzege asyratyn ózge de uıymdardyń, halyqty áleýmettik qorǵaý salasynda arnaýly áleýmettik qyzmet kórsetetin áleýmettik qyzmetkerlerden basqa azamattyq qyzmetshilerin (budan ári – qyzmetshiler) attestasııadan ótkizýdiń tártibi men sharttaryn aıqyndaıdy.».
2. Áleýmettik kómek departamenti (Q.A. Manabaeva):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin buqaralyq aqparat quraldarynda resmı jarııalanýyn, sondaı-aq Qazaqstan Respýblıkasy Eńbek jáne halyqty áleýmettik qorǵaý mınıstrliginiń resmı ınternet-resýrsynda ornalastyrylýyn qamtamasyz etsin.
3. Osy buıryq alǵash resmı jarııalanǵan kúnnen keıin kúntizbelik on kún ótken soń qoldanysqa engiziledi.
Qazaqstan Respýblıkasy Eńbek jáne halyqty áleýmettik qorǵaý mınıstri G. ÁBDIQALYQOVA.
Buıryq Qazaqstan Respýblıkasynyń Ádilet mınıstrliginde 2011 jylǵy 15 shildede Normatıvtik quqyqtyq kesimderdi memlekettik tirkeýdiń tizilimine №7076 bolyp engizildi.