Aımaqta alǵash qurylǵan ári belsendi etno-mádenı ortalyqtardyń biri «Vıderbýrt» sanalady. Onyń uıymdastyrýymen ótken «Qaraǵandy oblysyndaǵy nemister tarıhy» kitaby tusaýkeseri este qalarlyqtaı boldy. Eńbek avtorlary N.Kýlıkova men O.Iаkovenko osy rásimge arnaıy qatysýǵa kelgen germanııalyq jáne qazaqstandyq nemisterge qandastarynyń ár kezeńdegi ómir joldary týraly baıan etti.
Atalǵan eńbek Germanııa úkimetiniń demeýshiligimen shyqqan. Mundaı kitaptyń elder arasyndaǵy tarıhı baılanystar syryn ashyp, tereńdetýge yqpaly zor ekendigin nemis mádenıeti men óneriniń tanymal tulǵalary Rýdolf Shadlen jáne Barbara Sklorte kezdesýde áńgimeledi. Alystan kelgen ǵalym-meımandar jergilikti áriptesterimen izdenisti ilgeriletýge yntyzarlyq bildirdi.
Aıqyn NESIPBAI, Qaraǵandy.