Oblys ortalyǵyndaǵy kámeletke tolmaǵandardy beıimdeý ortalyǵynda osyndaı oıyn alańy ashyldy. Ortalyqtyń úsh qabatty ǵımaraty budan úsh jyl buryn paıdalanýǵa berilgen-di. Alaıda, ǵımarat alańynda kezinde buzylǵan mekemeniń qoqystary qalǵan. Ortalyq basshylyǵy biraz qurylys mekemelerimen sóıleskenimen eshqaısysy qulshynys tanyta qoımasa kerek. Bul sharýany oblystaǵy «Jastar bolashaǵy» qoǵamdyq birlestigi qolǵa alyp, ata-ana qamqorlyǵynan aıyrylǵan búldirshinderge ádemi syı jasady. Azamat Qaıratuly basqaratyn bul birlestiktiń músheleri ortalyq mańynan 1200 tonna qoqysty shyǵaryp, aýlany tazartty. Aýlaǵa otyz «KamAZ» qıyrshyq qum tókti. Jastardyń mundaı bastamasyna qaladaǵy túrli mekemeler qoldaý kórsetti. Ortalyqqa jylyna ortasha 600 bala túsedi eken, ótken jyly bul kórsetkish 230 balaǵa deıin azaıypty.
Kámeletke tolmaǵandardy beıimdeý ortalyǵyndaǵy jańa oıyn alańynyń saltanatty ashylýyna qatysqandar búldirshinderge izgi tilekterin bildirdi, «Jastar bolashaǵy» qoǵamdyq birlestigi oıynshyqtar syılady... Bul el táýelsizdiginiń 20 jyldyǵyna baılanysty «Qazaqstannyń bolashaǵy úshin» patrıottyq-azamattyq keń kólemdi marafon-bastama aıasynda ótkizilgen ıgi shara boldy.
Satybaldy SÁÝIRBAI,
Aqtóbe oblysy.