«NurOtan» HDP Aqtóbe oblystyq fılıalynyń uıytqy bolýymen «Bıznestiń jol kartasy-2020» baǵdarlamasyn júzege asyrýǵa baılanysty biryńǵaı qabyldaý kúni ótkizildi. Onyń maqsaty – memlekettik qoldaýǵa ıe bolý múmkindikteri bar kásipker azamattardyń ózekti máselelerin jergilikti bılikke jetkizý, nesıe alý úshin ekinshi deńgeıdegi bank basshylarymen betpe-bet júzdestirý, shaǵyn jáne orta bızneske qatysy bar basqarmalar basshylarynan tegin keńes alýǵa jaǵdaı týǵyzý, damý ınstıtýttary ókilderimen erkin pikir alysý alańyn usyný, osy baǵdarlama boıynsha qandaı kómek bolatynynan jáne nesıe alýǵa qandaı kepildikter jaramdy ekeninen habardar etý.
Partııanyń oblystyq fılıaly qoǵamdyq qabyldaý bóliminiń meńgerýshisi Amangeldi Mektepbaevtyń aıtýynsha, ótken jyly osyndaı aksııa kezinde qabyldaýǵa kelgen 22 azamattyń 15-iniń máselesi oń sheshimin tapsa, bul joly kásipkerlikke jáne basqa saýaldarmen kelgen 25 azamattyń basym bóligi ózderin tolǵantqan máseleler boıynsha naqty jaýaptar aldy, birqatarynyń máselesi oń sheshimin tapty. Biryńǵaı qabyldaý kúnine qatysýshylarǵa oblys ákiminiń orynbasary Roza Kemalova bastaǵan jergilikti bılik ókilderi tolyqqandy jaýap, naqty málimet, keńes berdi.
Satybaldy SÁÝIRBAI,
Aqtóbe oblysy.