Kásipkerler partaǵa otyrdy

Keshe Astanadaǵy «Turan-Profı» ha­lyq­aralyq kásiptik akademııasynda «Ju­mys­pen qamtý-2020» baǵdarlamasy aıa­syn­da «Bıznes negizderi» kýrsy boıynsha shaǵyn jáne orta bıznes ókilderi men jumyspen qamtylmaǵandar úshin kásip­kerlik daǵdylaryn oqyp-úırený sabaq­tary bastaldy. Tapsyrys berýshi Aqmola oblystyq kásipkerlik jáne ónerkásip jó­nin­degi basqarmasy bolsa, baǵdar­lamanyń operatory atalǵan akademııa janyndaǵy «Biliktilikti arttyrý ınstıtýty» mekemesi bolyp otyr. Atalmysh bastamanyń tusaýke­se­rine arnaıy kelgen Aqmola oblys­tyq eńbek­pen qamtý jáne áleýmettik baǵdarla­ma­lardy úılestirý basqar­masynyń basty­ǵy Baqyt Esimova bul kýrstyń kásip­kerlikti jańa bas­taǵan jáne ári qaraı damytqysy keletin azamattar úshin tıgizer paıda­sy mol ekenin aıtty. Son­daı-aq, ol kásip­ker­lerdiń jańa jobalar jasaý men bir-biri­men tájirıbe almasýda kómeginiń kóp ekenin de nazardan tys qaldyrmady. – Kýrsta bolashaq kásipkerlerdi bıznespen tanystyrý, ıaǵnı olarǵa ıdeıadan bastap ony qurýdyń jáne kásip ashýdyń tıimdi joldary úıre­tiledi. Oqytýshylary – praktıkalyq jumysta jınaqtaǵan tá­ji­rıbesi mol bıznes-trenerler men keńesshi mamandar. Sonymen qatar, oıyn sabaq­taryn osy ádisti shetelderden úırenip kelgen bilikti oqytýshylar ótkizedi, – deıdi «Turan-Profı» halyqaralyq kásiptik aka­demııasynyń prorektory Daryn Qapparov. Jalpy sany 150 adamdy qam­tyǵan kýrstyq oqýlar 27 tamyzǵa deıin jal­ǵasady. Ábdirahman QYDYRBEK.