Qaıyrymdylyq jasaǵannyń saýaby mol

Qasıetti Ramazan aıynda «Memsaraptama» RMK ujymy Astanadaǵy maman­dan­dy­ryl­ǵan balalar úıinde tár­bıelenetin jetim balalar úshin qaı­yrymdylyq aksııasyn uıym­das­tyrdy. Qyzmetkerler ózderi jı­na­ǵan qarjyǵa bóbekter úıiniń tárbıe­lený­shilerine arnap balalar taǵam­da­ry men shy­ryn­dar, sý ótkizbeıtin jaıalyqtar satyp aldy. Ramazan – meıirimdilik aıy. Ásirese muq­taj­darǵa, onyń ishinde jetimder men aýyr naý­qastarǵa  kómek kórsetý isine erekshe mańyz beriledi. Astanalyq bóbekter úıindegi týǵanynan bastap 4 jasqa deıingi 70 balanyń 30 paıyzǵa jýyǵy aqyl-oı jáne dene damýynda kemistikteri bar múgedekter. Mekeme qyzmetshileriniń aıtýlarynsha, deni saý balalardy asyrap alýshylar birden tabyla ketetin kórinedi. Al densaýlyqtarynda problemalary bar búl­dir­shin­der bolsa, kóbine-kóp osy jerde qalyp jatady. Sondyqtan kórsetilgen qaıy­rym­dylyq pen meıirimniń bóbekter boıynda jurt bizge nemquraıdy qaramaıdy degen senim oıatýy múmkin-aý degen úmit te joq emes. «Egemen-aqparat».