О́nim: Derek pen dáıek

Statıstıkalyq málimetterge qaraǵanda munaıly óńir ekono­mı­ka­syndaǵy yrǵaqty damýdyń ta­sy órge domalap tur. Tipti, ótken jyldyń osy kezeńimen salys­ty­rar bolsaq, ekonomı­ka­lyq ósimge bet alǵany baı­qa­lady. Muny bıylǵy birinshi jar­tyjyldyqta óndirilgen óner­kásip óniminiń kó­lemi 2 trıllıon 087,4 mıllıard teńgeni quraýymen baılanysty­rý­ǵa bola­dy. Onyń ishinde taý-ken sala­syndaǵy ónim 1 trıllıon  924,6 mıllıard teńgeni qurap otyr. Osy kezeńde óńirdiń munaı-gaz ónerkásibi salasynda 15 mıllıon tonna «qara altyn» jáne 6,9 mıllıard tekshe metr ilespe gaz óndirildi. Osy sala­daǵy óndi­ril­gen ónimniń basym bóligi «Teńizshevroıl» birlesken kásip­or­nynyń úlesine tıedi. Bul ká­siporyn munaıshylary birinshi jartyjyldyqta 13 mıllıon ton­na munaı men 6,8 mıllıard tekshe metr gaz óndirýge qol jetkizdi. Sondaı-aq 146,1 mıllıard teńgege baǵalanǵan shıkizatty óńdeýden ótkizdi.

Joldasbek ShО́PEǴUL, Atyraý oblysy.  

801,9 mln. teńge Bıylǵy jyldyń ótken 6 aıynda áleýmettik jaǵynan az qamtylǵan 77,9 myń azamatqa osynshama qarjylaı kómek kórsetildi.

Elimizdegi «Memlekettik áleý­mettik kómek týraly» Zańǵa sáı­kes halyqty jumyspen qam­týdyń belsendi nysandarymen qatar, áleýmettik kómektiń túr­le­ri usy­nyl­ǵan. Máselen, jı­yntyq ta­by­sy jan basyna shaq­qanda kedeılik sheginen aspaı­tyn otbasy­la­ryna ataýly áleý­mettik kómek kórsetý jalǵasyp, bıylǵy jyly oǵan 208,9 mln. teńge bólingen. О́tken merzimde 1464 otbasyna (6259 adam) 80,9 mln. teńge kóleminde kómek qarjy tólengen. Sonymen qatar, balalarǵa ar­nalǵan járdemaqy asy­raý­yn­­daǵy 18 jasqa deıingi ár ba­laǵa zań boıynsha belgilengen azyq-túlik sebetiniń qunynan tómen otbasy­la­ryna taǵaıyn­da­lyp, 2011 jy­ly osy jár­dem­aqyǵa 818,2 mln. teńge bó­lin­gen. Al­ǵash­qy jar­ty­jyl­dyqta 14997 otbasyna 336,1 mln. teńge qarjy qaras­ty­rylǵan. Elbasynyń Joldaýyndaǵy tap­syrmaǵa sáıkes 2011 jyldyń ótken 6 aıynda az qamtamasyz etilgen 77,9 myń azamatqa 801,9 mln. teńge áleýmettik kómek kórsetilip, muqtajdyqtary sheshimin taýyp otyr.

Kúmisjan BAIJAN, Almaty oblysy.  

630 mln. teńge «Aqtóbe JEO»  AQ ózderiniń qondyrǵylaryn kúrdeli jáne aǵymdaǵy jóndeýge osynshama teńge qarjy bóldi.

Aksıonerlik qoǵam dırekto­ry Rahym Muhamedǵalıevtiń má­limdeýinshe, kásiporynnyń alda­ǵy jylý berý maýsymyna tolyq daıyn bolýy úshin negizgi, qosal­qy jáne jalpy stansalyq qon­dyr­ǵylardy, ǵımarattardy kúr­de­li jáne aǵymdaǵy jóndeý ju­mystaryn júrgizý josparlanýda. Tamyz aıynyń basyna deıin merdigerlik uıymdar jáne  ká­sip­­orynnyń óziniń kúshimen 216 mıl­lıon teńgeniń jumystary atqa­ryl­dy. Sonyń ishinde toǵyz bý qa­zanynyń altaýy, alty bý týr­bı­na­synyń  tórteýi jón­del­di. Bý jáne sý qyzdyrý qazan­da­ryn jóndeý ju­mystary aıaqta­lyp keldi. Qys­qy jylý berý maý­sy­myna ázirlik jumystaryn negizinen qyrkúıek aıyna deıin  tııa­naqtaý kózde­lý­de.

Satybaldy SÁÝIRBAI, Aqtóbe oblysy.