2011 jylǵy 7 maýsym, Astana, Úkimet úıi
«Bıýdjettiń atqarylýy jáne oǵan kassalyq qyzmet kórsetý erejesin bekitý týraly» Qazaqstan Respýblıkasy Úkimetiniń 2009 jylǵy 26 aqpandaǵy № 220 qaýlysyna ózgeris engizý týraly
Shetelde kadrlar daıarlaý halyqaralyq baǵdarlamalary sheńberinde stıpendıattardyń oqýyn jáne ǵylymı taǵylymdamadan ótýin uıymdastyrý maqsatynda Qazaqstan Respýblıkasynyń Úkimeti qaýly etedi:
1. «Bıýdjettiń atqarylýy jáne oǵan kassalyq qyzmet kórsetý erejesin bekitý týraly» Qazaqstan Respýblıkasy Úkimetiniń 2009 jylǵy 26 aqpandaǵy № 220 qaýlysyna (Qazaqstan Respýblıkasynyń PÚAJ-y, 2009 j., № 12, 86-qujat) mynadaı ózgerister engizilsin:
kórsetilgen qaýlymen bekitilgen Bıýdjettiń atqarylýy jáne oǵan kassalyq qyzmet kórsetý erejesinde:
156-1-tarmaq mynadaı redaksııada jazylsyn:
«156-1. Shetelde kadrlar daıarlaýdyń halyqaralyq baǵdarlamalary sheńberinde stıpendıattardyń oqýyn jáne ǵylymı taǵylymdamadan ótýin uıymdastyrý maqsatynda 154 «Stıpendıattardyń shetelde oqýyna tóleý» ekonomıkalyq shyǵystar synyptamasynyń ereksheligi boıynsha aqy tóleý Qazaqstan Respýblıkasynyń Úkimeti shetelde kadrlar daıarlaý men qaıta daıarlaý jáne biliktiligin arttyrý halyqaralyq baǵdarlamalaryn, onyń ishinde Qazaqstan Respýblıkasy Prezıdentiniń «Bolashaq» halyqaralyq stıpendııasyn iske asyrý jónindegi qyzmetterdi berýshi etip anyqtaǵan zańdy tulǵanyń (budan ári – Halyqaralyq baǵdarlamalar ortalyǵy) ótinimin qosa bere otyryp, tóleýge berilgen shottyń negizinde júzege asyrylady.
Halyqaralyq baǵdarlamalar ortalyǵy óziniń banktik shotyna aqshalaı qarajat túsken sátten bastap on bes jumys kúni ishinde sheteldiń joǵary oqý oryndaryna (álemniń ǵylymı ortalyqtary men zerthanalaryna), stıpendıattarǵa, sondaı-aq Halyqaralyq baǵdarlamalar ortalyǵy «Qazaqstan Respýblıkasy Prezıdentiniń «Bolashaq» halyqaralyq stıpendııasyn taǵaıyndaý úshin úmitkerlerdi irikteý erejesin bekitý týraly» Qazaqstan Respýblıkasy Úkimetiniń 2008 jylǵy 11 maýsymdaǵy № 573 qaýlysynda kózdelgen qyzmetterdi kórsetýge shart jasasqan uıymdarǵa shetelde kadrlar daıarlaýdyń halyqaralyq baǵdarlamalary sheńberinde stıpendıattardyń oqýyn jáne ǵylymı taǵylymdamadan ótýin uıymdastyrý úshin aqshalaı qarajatty aýdarýdy júzege asyrady.
Bilim berý salasyndaǵy ýákiletti organ aı saıyn esepti aıdan keıingi aıdyń biri kúnine Halyqaralyq baǵdarlamalar ortalyǵymen shetelde kadrlar daıarlaýdyń halyqaralyq baǵdarlamalary sheńberinde stıpendıattardyń oqýyn jáne ǵylymı taǵylymdamadan ótýin uıymdastyrý úshin aqy tóleýge bólingen aqshalaı qarajatty ózderiniń paıdalanýy jóninde salystyrý aktisin jasaıdy.».
2. Osy qaýly alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K. MÁSIMOV.