Sársenbi kúni «Astana-Arena» stadıonynda fýtboldan Qazaqstan men Sırııa quramalary arasynda joldastyq kezdesý ótti. Bul kúni aldaǵy Eýropa chempıonatynyń kúzgi sheshýshi irikteý kezdesýlerine daıyndyq sheńberinde kóptegen matchtar uıymdastyryldy.
Al Astanadaǵy báseke 1:1 esebimen teń aıaqtaldy. Sóıtip, bizdiń Sırııadan úsh ret jeńilgenimizdiń esesin qaıtarýdyń reti taǵy kelmedi. Degenmen, esepke qarap bizdiń qurama nashar oınady dep aıta almaımyz. Bul match cheh mamany Mıroslav Beranektiń ulttyq quramanyń bas bapkeri retindegi ekinshi oıyny boldy. Birinshi oıynda Ázerbaıjan komandasyn 2:1 esebimen jeńip, jankúıerler aldynda biraz bedel jınap alǵany belgili.
Soǵan qarap keshegi matchta bapker Beranek taǵy da Ázerbaıjanmen bolǵan oıyndy qaıtalap, Sırııa sııaqty Azııanyń ortańqol komandasyn jeńedi dep oılaǵan edik. Biraq, osy oıynda jeńbesek te komandanyń jeńiske degen jigeri, kásibı ósýi baıqaldy.
Matchta esepti birinshi bolyp qonaqtar ashty. Odan keıin quramaǵa qaıta kelgen Jambyl Kókeev esepti teńestirdi. Osy kezdesýde bizge onyń oıyny unady. Sonymen birge, Ulan Qonysbaev, Tańat Nóserbaevtyń qımyldaryna da jankúıer qaýym rıza bolǵandaı. Oıynda Grıdın, Ostapenko, Hıjnıchenko da baryn salǵanyn atap ótken jón.
Dastan KENJALIN.