Prezıdent poshtasynan
Memleket basshysynyń atyna Ońtústik Qazaqstan memlekettik pedagogıkalyq ınstıtýty ujymynan hat kelip tústi, dep habarlady Qazaqstan Respýblıkasy Prezıdentiniń baspasóz qyzmeti.
Hat ıeleri Ońtústik óńirindegi 75 jyldyq tarıhy bar, pedagogtar daıarlaıtyn qarashańyraqtaı baıyrǵy oqý ornynyń qalpyna keltirilip, Ońtústik Qazaqstan memlekettik pedagogıkalyq ınstıtýty retinde qaıta ashylýynyń el Táýelsizdiginiń 20 jyldyǵy qarsańyndaǵy ıgilikti is bolǵanyn qýanyshpen jazady.
Odan ári: «Asa mártebeli Nursultan Ábishuly! Búkil elimizde bolyp jatqan oń ózgerister, joǵary bilim salasyndaǵy jetistikter Sizdiń sapaly bilim berý isine memlekettik turǵydan jete kóńil bólgenińizdiń arqasynda halyqaralyq standarttarǵa saı damyp otyrǵanyn jurtshylyq qaýym jaqsy biledi», delingen hatta. Elbasyǵa rızashylyq sezimmen alǵys aıtyp, zor densaýlyq tilegen ujymdyq hatqa belgili ǵalymdar – QR Memlekettik syılyǵynyń laýreaty, professor Sh.Moldabekov, akademık O.Balabekov, professor Q.Islamqulov, professor Á. Musaqulov, professor K.Shoıbekov, professor S.Sermańyzov jáne t.b. qol qoıǵan.