Burnaǵy kúni Aqordada Prezıdenttiń kómekshisi – Qaýipsizdik Keńesiniń hatshysy Marat Tájın Ujymdyq qaýipsizdik týraly shart uıymynyń bas hatshysy Nıkolaı Bordıýjany qabyldady.
Kelissóz barysynda taraptar 12 tamyz kúni Qazaqstanda ótetin Ujymdyq qaýipsizdik týraly shart uıymyna múshe memleketter basshylarynyń beıresmı kezdesýine daıyndyq barysy tóńiregindegi máselelerdi áńgime ózegine aınaldyrdy.
Kezdesý kezinde N.Bordıýja jaqyn kúnderi UQShU-ǵa múshe elderge jasaǵan saparynyń qorytyndysy jóninde baıandap berdi.
Bul kúni taraptar sondaı-aq Ortalyq Azııadaǵy qaýipsizdik jaǵdaıyn qamtamasyz etý, uıymnyń qyzmetin jetildirý jáne jandandyrý máselelerine qatysty máselelerdi talqyǵa saldy.