Tártip qaıtse ornyǵady?

Semeıde ústimizdegi jyldyń alǵashqy jartyjyldyǵynda tártip buzýshylyq 36,6 paıyzǵa artty. Bul elimiz boıynsha tórt oblys kórsetkishin qosa eseptegendegiden de artyq kórinedi. Sondyqtan jaǵdaı dabyl qaǵarlyqtaı bolyp tur. Oǵan qosa urlyq-qarlyq ta kóbeıe túsken. Atalǵan qylmystyń 90 paıyzy qalamen japsarlas «Shyǵys» saıajaıynda oryn alǵan. Munda turatyn 25 myń adamnyń teń jarymyna jýyǵy tirkeýde joq. Iаǵnı, saıajaı turǵyndarynyń kóbi saıda sany, qumda izi joq adamdar degen sóz. Al mundaǵy polısııa bolsa atalǵan saıajaıda tártip ornata almaı dármensizdik tanytý­da. Áıtpese qalanyń ekinshi jaǵyndaǵy Bobrovka kentinde jaǵdaı múlde basqasha. Onda jyl basynan beri eshqandaı qylmystyq oqıǵa tirkelmegen. Demek, tártip bar jerde qylmysqa jol berilmeıdi. Sonda «Shyǵys» saıajaıyn baqylaı­tyn polısııa qyzmetkerleri ne bitiredi? Olardyń jumysyn kim qadaǵalaıdy? Tártip demekshi, qylmystyń órshı túsýi­ne túrli zańsyzdyqtar da birden-bir sebep pe deımiz. Máselen, Semeıde syra­ha­nalar jańbyrdan keıingi sańyraýqu­laq­taı qaptap ketken. Barlyq 56 syraha­na­nyń tek ekeýinde ǵana ruhsat qaǵazy bar já­ne onda adamdar qaýipsizdigin oılaıtyn eshkim joq. Áli kúnge deıin jaryq­tan­dyrylmaǵan kósheler de qylmystyń órshı túsýine sebepshi bolýda. Sóıtip, alǵashqy jartyjyl­dyqta qala boıynsha 149 urlyq pen 9 kisi tonaý deregine jol berilgen. Soǵan sáıkes jeńgetaılyq ta jandanyp tur. Mine, osynyń bári jýyrda qalalyq ákimdikte ótken vedomstvoaralyq komıs­sııa­nyń jıynynda keńinen aıtyldy. Biraq, qalaı desek te, bir jıynmen barlyq másele sheshildi deýge bolmas. Iаǵnı, endigi jerde sózden iske kóshetin kez jetti dep bilemiz. Áıtpese, elimizdiń rýhanı ortalyǵy bolyp esepteletin Semeıdi mundaı keleńsizdikterdiń ushpaqqa shyǵara qoımaıtyny túsinikti. Sondyqtan tártip saqshylary ózderi de tezdetip qorytyndy shyǵarady degen oıdamyz. Dáýlet SEISENULY, Semeı.