2011 jylǵy 4 tamyz, Astana, Úkimet Úıi
«Orman sharýashylyǵy, erekshe qorǵalatyn tabıǵı aýmaqtar salalaryndaǵy memlekettik mekemelerdiń taýarlardy (jumystardy, qyzmetterdi) ótkizý jónindegi aqyly qyzmet túrlerin kórsetý jáne olardyń bul rette alǵan aqsha qarajatyn jumsaý erejesin bekitý týraly» Qazaqstan Respýblıkasy Úkimetiniń 2009 jylǵy 27 sáýirdegi № 586 qaýlysyna tolyqtyrý engizý týraly
Qazaqstan Respýblıkasynyń Úkimeti qaýly etedi:
1. «Orman sharýashylyǵy, erekshe qorǵalatyn tabıǵı aýmaqtar salalaryndaǵy memlekettik mekemelerdiń taýarlardy (jumystardy, qyzmetterdi) ótkizý jónindegi aqyly qyzmet túrlerin kórsetý jáne olardyń bul rette alǵan aqsha qarajatyn jumsaý erejesin bekitý týraly» Qazaqstan Respýblıkasy Úkimetiniń 2009 jylǵy 27 sáýirdegi № 586 qaýlysyna (Qazaqstan Respýblıkasynyń PÚAJ-y, 2009 j., № 20, 184-qujat) mynadaı tolyqtyrý engizilsin:
kórsetilgen qaýlymen bekitilgen Orman sharýashylyǵy, erekshe qorǵalatyn tabıǵı aýmaqtar salalaryndaǵy memlekettik mekemelerdiń taýarlardy (jumystardy, qyzmetterdi) ótkizý jónindegi aqyly qyzmet túrlerin kórsetý jáne olardyń bul rette alǵan aqsha qarajatyn jumsaý erejesinde:
12-tarmaq mynadaı mazmundaǵy 6-1) tarmaqshamen tolyqtyrylsyn: «6-1) tabıǵı sıpattaǵy tótenshe jaǵdaıdyń saldarynan paıda bolǵan ótimdi qoqysty (jel men daýyl qulatqan aǵashtardy) jınaýmen baılanysty jumysty (qyzmetti) júzege asyratyn jeke jáne (nemese) zańdy tulǵalardyń jumysy (qyzmeti) qunynyń aqysyn tóleýge;».
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.