Birlesken medısınalyq ortalyq

Ony ızraıldik fırmalar men mamandar Petropavl qalasynda ashýdy kózdep otyr Oblys ákimi Serik Bilálov bastaǵan soltústikqazaqstandyq delegasııanyń Izraılge baryp, birqatar máseleler tóńireginde áriptestik qarym-qatynas ornatyp qaıtqanyn jazǵan edik. («Iskerlik baılanystardy óristetemiz desek», 18 maýsym) Jýyrda ózara ýaǵda­lastyqqa oraı osy eldiń dárigerleri Qyzyljar óńirinde birneshe kúndik jumys saparymen boldy. Aımaq bas­shy­sy olarmen kezdesip, mundaı eki­jaq­ty baılanystardyń tıimdiligin atap ótti. Oblysta zamanaýı medısı­na­lyq qural-jabdyqtar ornatylǵan kar­dıologııalyq ortalyq ashylǵaly jú­rek­ke operasııa jasaý qolǵa alyn­dy, dedi ol. MVI medısına ortaly­ǵynyń bas dırektory Natalıa Hedvat óz kezeginde Qazaqstannan de kóp nár­se úı­renýge bolatynyn, Qyzyljar óńi­rinde birlesken medısınalyq orta­lyq ashý nıetterin, ózderimen birge kardıohırýrgııa salasynyń bilgir ma­many Amır Kremerdi ala kelgenin, júrek-qan ta­myr­lary aýrýyna ushyraǵan naýqas­tarǵa ota jasamaq oılaryn jetkizdi. Izraılden kelgen kardıohırýrgtar Petropavl qalasyndaǵy kardıohırýr­gııa­lyq ortalyqta bolyp, jaǵdaımen jan-jaqty tanysty. Mekemeniń talap­qa saı jabdyqtalǵanyna kóz jetkizgennen keıin ota jasaýǵa kiristi. Ataǵynan at úrketin Amır Kremer kúrdeli júrek aýrýlaryna ota jasaýdyń naǵyz maıtalman sheberi eken. Jergilikti dáriger­ler­diń kómegine júgine otyryp 12 adamǵa ota jasady. Naýqastardy qabyldap, túrli keńester berdi. Biz bólim meńgerý­shisi Igor Shýmakovpen habarlasyp, júrek-qan tamyrlary aýrýyna ushyraǵan 20-ǵa jýyq adamnyń em-dom qabyldap jatqanyn, operasııa ústeline jatqyzylǵandardyń bári ózderin jaqsy sezinetinin bildik. 54 jastaǵy Ovshınov Vıktordyń júrek aýrýymen syrqat­tan­ǵanyna biraz bolǵan eken. Shıpaly emnen keıingi kóńil-kúıi jaqsy kórinedi. Aortakoronarlyq operasııa jasaý úlken biliktilik pen tájirıbeni qajet etedi. Ony kardıologııalyq ortalyq­tyń bas dárigeri Azamat Maǵzumov ta rastady. Operasııalardyń kúrdeligine qaramastan, qyzyljarlyq kardıohırýrgtar synnan súrinbeı ótken. 2011-2015 jyldarǵa arnalǵan «Salamatty Qazaqstan» memlekettik baǵ­darlamasynyń oryndalýy bary­syn­da oblysta  aýrýdyń aldyn alý, al­ǵashqy medısınalyq-sanıtarlyq jár­dem jaıy jaqsara túsken. Aýyl turǵyndaryna medısınalyq kómektiń qoljetimdiligi qarastyrylǵan. Ana jáne bala ólimin tómendetýge, asa qaýipti aýrýlardy boldyrmaýǵa basa nazar aýdarylǵan. Jyl ótken saıyn densaýlyq saqtaý júıesiniń materıal­dyq-tehnıkalyq bazasy nyǵaıyp keledi. Tek bıyldyń ózinde balalar dene­shynyqtyrý dıspanseri, perzenthana úıi, ambýlatorııalyq hırýrgııa orta­ly­ǵy quryldy. Taıynsha jáne Jambyl aýdandarynda týberkýlezge qarsy kúres dıspanserleri ashyldy. Mundaı nysan qurylysy Ǵ.Músirepov aýda­nynda da aıaqtalýǵa jaqyn. «Urpaq qory» baǵdarlamasy ıgerilgeli 1152 sábıge 279 mıllıon teńge tólendi. О́mir ESQALI, Soltústik Qazaqstan oblysy.