Turǵyn úı salasyn jańǵyrtý baǵdarlamasy

Memleket basshysy Qazaqstan halqyna bıylǵy Joldaýynda «Kóp­­tegen jyldar boıy kommý­nal­dyq sektor qalǵan-qutqandy bó­lý qaǵı­daty boıynsha qarjy­lan­dyryp kel­di. Sonyń salda­ry­nan 2008 jyl­ǵa qaraı kommýnı­ka­sııalardyń 72 pa­ıyzy jóndeýdi nemese aýys­tyrýdy qajetsinedi», dep atap kórsetti. Osyǵan baılanysty el Úkimeti 2011 jyldyń 30 sáýi­rin­de Turǵyn úı-kommýnaldyq sha­rýashylyǵyn jańǵyrtýdyń 2020 jylǵa deıingi salalyq baǵdarla­ma­syn bekitti. Keshe Qurylys jáne turǵyn úı-kommýnaldyq sharýashylyǵy isteri agenttiginiń osy keshendi baǵdar­la­manyń is júzine asyrylýyna baı­la­nysty otyrysy bolyp ótti. Onda turǵyn úı-kommýnaldyq  sharýa­shylyǵyn jańǵyrtýdyń 2020 jyl­ǵa deıinge arnalǵan baǵdarlamasyn is-júzine asyrýdyń alǵashqy nátı­jeleri qorytyndylandy. О́ńirlerde páter ıelerimen bolashaq jóndeý jumystarynyń smetalyq jobasyn belgileý jáne kóp qabatty turǵyn úılerdi jóndeıtin merdiger mekemelermen smetalyq jobalaý ju­mys­taryn júrgizý máseleleri boı­ynsha ózara kelisim-sharttar jasasý, qarjy jınaqtaý esep shottaryn ashý máseleleri boıynsha jan-jaq­ty kelisim jasalyndy. Turǵyn úı-kommýnaldyq sha­rýa­­shylyǵy salasyn modernız­a­sııa­laýdyń keshendi jospary boı­ynsha, qanatqaqty baǵdarlama retinde О́skemen jáne Semeı qa­la­larynda termojańǵyrtý tásilderin qoldana otyryp, jylý energııasyn 30 paıyzǵa deıin únemdeýge múm­kin­dik beretin keshendi jóndeý ju­mystary júrgizilgen bolatyn. Bul joba oıdaǵydaı júzege asyryldy. Sonymen birge, ústimizdegi jyly elimizde osy ádis boıynsha 1200 kóp páterli turǵyn úı keshenin jóndeý josparlanǵan. Qazir kóp páterli turǵyn úılerdi jóndeýge qatysty barlyq daıyndyq ju­mystary aıaq­taldy. Kondomınımým nysanda­ry­nyń ortaq múlkine kúr­deli jáne aǵymdaǵy jóndeý ju­mystaryn júr­gizýdiń tetikteri retteldi. Sonymen birge, qolǵa alynǵan keshendi baǵdarlamanyń taǵy bir mańyzdy mindeti – jylýmen, el­ektr­men, gazben qamtamasyz etý jáne basqa ınfraqurylymdyq jú­ıe­lerdi jańǵyrtý bolyp tabyla­dy. Baǵdarlama boıynsha, 2015 jyl­ǵa qaraı 24,4 myń shaqyrym ınfra­qu­rylymdyq jeliler jańar­tylatyn bolady. Atap aıtqanda, onyń ishinde 1,1 myń shaqyrym jy­lý júıesi, 3 myń shaqyrym gaz jelileri, 20,3 myń shaqyrym el­ektr júıeleri ja­ńartylady. Tur­ǵyn úı-kommý­nal­dyq sharýashylyǵyn moder­nı­za­sııa­laýdyń 2011-2015 jyldarǵa ar­nal­ǵan birinshi kezeńinde júzege asy­rylatyn keshendi sharalarǵa 451034 mıllıon teńge qarjy bólinbek. Otyrysta atap kórsetilgendeı, bıylǵy jyldyń alǵashqy 6 aı­yn­da elimiz boıysha 415 kóp páter­li úılerge energetıkalyq aýdıt júr­gizilgen. Osy sharanyń nátı­je­sin­de kóp páterli úılerdiń ener­ge­tıkalyq tıimdiligi jóninde esep jasalyp, bul turǵyn úı keshenderine jumsalatyn energııa qýatta­ryn únemdeý tetikteri belgilendi. Sonymen birge, Qostanaı, Qara­ǵan­dy, Oral, Taldyqorǵan, Taraz, Qy­zylorda, Aqtóbe jáne Shymkent qalalarynyń jylý taratý jelile­riniń tehnıkalyq jaǵdaıyna baqy­laý júrgizildi. Osynyń nátıje­sin­de 2011 jyldyń qarashasynda osy segiz qalanyń jylý júıeleriniń tehnıkalyq-ekonomıkalyq  jaǵ­daı­yn naqty anyqtaý jóninde esep daı­yndalyp, onyń tıimdiligi an­yqtalatyn bolady. Memleket basshysynyń tikeleı tapsyrmasymen is júzine asyryla bastaǵan turǵyn úı-kommýnaldyq sharýashylyǵyn modernızasııalaý jáne qaıta jańǵyrtý jumys­ta­ry­nyń bolashaǵy zor. Bul rette kóp qabatty turǵyn úılerde turatyn árbir páter ıesi bul keshendi sha­rany túsinistikpen qabyldap, tur­ǵyn úı-kommýnaldyq sharýashyly­ǵyn qaıta qurý isine belsendi ara­lasýy kerek. Bul elimizdiń bola­sha­ǵy úshin jáne erteńgi urpaqtyń qo­laı­ly da jaqsy jaǵdaıda turmys qurýy úshin aýadaı qajet. Jylqybaı JAǴYPARULY.