Daıarlyq máselesine arnalǵan keńes

Keshe Aqordada Memleket basshysy Nur­sul­tan Nazarbaevtyń tóraǵaly­ǵy­men Qazaqstan Respýblıkasy Táýel­siz­diginiń 20 jyldyǵyn merekeleýge daıar­lyq másele­le­ri jóninde keńes ótti, dep habarlady Qazaqstan Respýblıkasy Prezıdentiniń baspasóz qyzmeti. Keńes jumysyna Premer-Mınıstr Ká­rim Másimov, Prezıdent Ákimshiliginiń Bas­shysy Aslan Mýsın, Memlekettik hatshy Qanat Saýdabaev, Pre­zı­denttiń kómekshisi – Qaýipsizdik keńesiniń hat­shy­sy Marat Tá­jın, Prezıdenttiń kómekshisi Nurlan Ermekbaev, «Nur Otan» HDP Tóraǵasynyń birinshi orynbasary Nurlan Nyǵmatýlın qatysty. Premer-Mınıstr K.Másimov pen Prezıdent Ákim­shiliginiń Basshysy A.Mýsın Memleket basshy­syna Qazaqstan Res­pýb­lıkasy Táýelsizdiginiń 20 jyldyǵyn ótkizý jónin­degi is-sharalardyń jalpy­ult­tyq josparyn iske asyrý barysy týraly habardar etti. Sonymen qatar, keńes barysynda Konstıtýsııa kúnin ótkizýge daıarlyq, aldaǵy ýaqytta Dýshanbede ótetin TMD memleket basshylary keńesiniń otyry­sy­na, Astra­han­daǵy Qa­zaqstan Respýblıkasy men Reseı Federa­sııasynyń aımaqaralyq ynty­ma­q­tastyǵynyń VIII forýmyna, BUU Bas Assam­bleıa­synyń sessııasy men Nıý-Iorktegi joǵary deń­geı­degi ıadrolyq qaý­ip­sizdik jónindegi otyrysyna qatysý má­seleleri talqylandy. ----------------------------------------- Sýretti túsirgen S.BONDARENKO, B.OTARBAEV.