Kásip ashýǵa óris keń

Elimizde qolǵa alynyp otyrǵan «Ju­myspen qamtý – 2020» baǵdarlamasynyń 2011 jyldyń 1 shildesinen 2012 jylǵa deıingi qanatqaqty jobasynyń basty ba­ǵy­ty  óz betinshe jumyspen aınaly­sý­shy­lar­dy, jumyssyzdardy oqytý jáne olar­ǵa ári qaraı óz betinshe eńbekpen aına­lysýǵa járdemdesý. «Jumyspen qamtý-2020» baǵdarlamasyn  júzege asyrý jolynda Aqsý qalasy ákiminiń qaýlysymen qalalyq jumyspen qamtý bólimi ashylǵan bolatyn. Búgingi tańda atalmysh bólimniń qyzmetkerleri halyqty jumyspen qamtý máselesi boıynsha birshama isterdi qolǵa alýda. «Jumyspen qamtý-2020» baǵdarlamasy aıasyndaǵy ekinshi baǵyt kásipker­lik­ti yntalandyrýǵa, ásirese, aýyldaǵy kásipkerlikti damytýǵa járdemdesý kózdelip otyr. О́z betinshe jumyspen aınalysýshylardyń negizgi bóligi aýyldyq jerlerde turady. Osy aptada óz kásibin ashýǵa nıet tanytqan 30 shaqty adamnan qurylǵan eki top úshin arnaıy semınar uıymdas­ty­ryldy. Semınar barysynda olar bıznes-jospar qalaı jasalatyny jóninde maǵlumat alyp, so­ńyn­da ony óziniń tańdap alǵan kásibi boıynsha qor­ǵaı­tyn bolady. Sonymen qatar, semınarǵa qatysý­shy­lar jeke kásipkerliktiń negizgi baǵyt­ta­ry boıynsha dáris alatyn bolady. Qorǵap qalǵan jaǵdaıda óz kásibin ashýǵa nıet bildirgen adamdar nesıe alýǵa quqyly bolady. Bul baǵyttyń bir ereksheligi, óz kásibimdi ashyp, damytamyn deýshilerge eń tómengi ústeme mólsherinde nesıe beriletiginde bolyp tur. Nesıe 5 jylǵa 3 mıllıon teńge kóleminde beriledi. Sábıra SAǴYNAI. Aqsý qalasy, Pavlodar oblysy.