Aqparattyq tehnologııalar áleýeti qandaı?

Ortalyq Azııadaǵy asa iri «Di­gital Communications Kazak­h­stan-2011» kórme-konferensııasy ústimizdegi jyldyń 14-16 qyr­kúıeginde Astanadaǵy Táýelsiz­dik saraıynda ótetin bolady. Bul týraly uıymdastyrýshylar sársenbi kúni ótken baspasóz máslıhatynda habarlady. Búginde aqparattyq-sandyq teh­nologııalar qarqyndy damý ústinde. Álemdik deńgeıdegi jetistikterdi sóz etpegen kúnniń ózinde, elimizdegi sandyq júıe­niń damýy men qoldanys aıasy kúnnen-kúnge jetile túsýde. Uıymdastyrýshylar Astanada ótetin kórme aqparattyq-kom­mýnıkasııalyq tehnologııalar salasy damýynyń álemdik trendterine jaýap bere alady degen pi­kir bildiredi. Demek, Qazaq­stan­nyń búgingi sandyq tehno­lo­gııasy aqparat júıesi damyǵan kez kelgen alpaýyt eldermen bá­se­kege túse alady dep oı tujy­rym­daýǵa bolady. Astanada ótkiziletin «Digital Communications Kazakh­stan- 2011» kórme-konferensııasyna Qa­zaqstan, Reseı, Qytaı jáne Eýropa elderinen keletin 400 delegat pen 65 baıandamashylar 3 kún boıy uıaly baılanys, telekommýnıkasııa, sandyq telearna, keń jolaqty ınternet, aqpa­rat­tyq tehnologııalar, elektrondy úkimet, elektrondy saýda, ınteraktıvti jarnama jáne áleý­met­tik medıa salasyndaǵy ózekti ta­qyryptar jaıly keńinen áńgime qozǵamaq. Uıymdas­tyrýshy­lar­dyń aıtýynsha, konferensııaǵa qatysýshylar arasynda AKT ındýstrııasynyń kóshbasshylary – «IAV Europe» kompanııasynyń prezıdenti jáne bas dırektory Alan Oro, «HP» ınnovasııalyq ortalyǵynyń dırektory Pol Djeremaes, «TIMWE» kompanııa­synyń negizin salýshy Rıkardo Karvalo, «Huawei technologies» kompanııasynyń Ortalyq Azııa jáne Kavkaz elderi boıynsha pre­zıdenti Tan Kıbın, Reseıdegi «Google» kompanııasynyń atqa­rý­shy dırektory Vladımır Dolgov, «SAP» kompanııasynyń vıse-prezıdenti Stıv Sıkakıs, Reseıdegi «NTS» kompanııasynyń aımaqtyq dırektory Andreı Kor­mılsev, Mail.Ru Group vıse-prezıdenti Alekseı Katkov, «KaR-Tel» Beeline kompanııa­sy­nyń bas dırektory Alekseı Blıý­­mın, «Qazaqtelekom» AQ-tyń bas­qarma tóraǵasy Qýanysh­bek Esekeev pen «Qaznettiń» áıgili joba ókilderi qatysady. Baılanys jáne aqparat mı­nıs­trliginiń tikeleı qoldaýymen ótkiziletin atalmysh sharanyń soń­ǵy kúninde «Qaznettiń» bola­sha­ǵy, ınternette avtorlyq qu­qyq­ty saqtaý jaıly pikir­saı­ys­tar uıymdastyrylmaq. Kórme-konferensııanyń uı­ym­dastyrylý maqsatyna ar­naıy toqtalǵan Baılanys jáne aqpa­rat mınıstrligi Aqparattyq tehnologııalar salasyndaǵy mem­lekettik saıasat depar­tamen­tiniń dırektory Quralaı Eleýsizova bul is-sharanyń elimizde IT teh­no­logııany damytý jáne aq­parat­tyq tehnologııalar salasy­nyń áleýetin arttyrý jolyn­da­ǵy eń tıimdi qadam ekendigin tilge tıek etti. Sonymen qatar kór­me aıa­synda tuńǵysh ret Qazaq­stan­nyń IT-menedjerleri qaýym­das­tyǵyn qurý jóninde otyrys ótkizi­letinin de atap ótti. Araı ÚIRENIShBEKQYZY.