Tabıǵı monopolııalardy retteý agenttiginde tutynýshylardyń quqyqtaryn qorǵaý maqsatynda aýanyń syrtqy naqty temperatýrasyna súıene otyryp jylý energııasynyń qunyn turmystyq tutynýshylarǵa qaıta esepteý jáne osy qarajatty tutynýshylarǵa qaıtarý boıynsha agenttik júrgizgen jumys qorytyndylaryna arnalǵan brıfıng ótti.
Qaıta esepteý agenttik tóraǵasy bekitken aýanyń syrtqy naqty temperatýrasy eskerile otyryp, jylýmen jabdyqtaý qyzmetteriniń qunyn qaıta esepteý ádistemesi boıynsha júrgiziledi. Ádisteme 1m2 jylytýǵa qajetti jylý energııasy kóleminiń aýanyń syrtqy temperatýrasyna táýeldi bolýyna negizdelgen. Qanshalyqty jyly jáne temperatýradan (jylý aǵyny esebine salynǵannan) aýytqý kóp bolsa, qaıta esepteý somasy sonshalyqty joǵary bolady.
О́tken 2010-2011 jylǵy jylytý kezeńinde aýanyń syrtqy naqty joǵary temperatýrasynyń nátıjesinde jylý energııasyn esepke alý aspaptary joq tutynýshylarǵa respýblıkanyń 16 óńirinde qoldanystaǵy ádisteme boıynsha 853,301 mln. teńgeden asatyn somada aqshalaı qarajat qaıtaryldy. Bul rette 2011 jylǵy 15 tamyzdaǵy jaǵdaı boıynsha jylytý kezeńi ishinde, sondaı-aq ústimizdegi jylǵy sáýir-shilde aılarynda berilgen shottar boıynsha tutynýshylarǵa 551 mln. teńge qaıtaryldy.
Sóıtip, turmystyq tutynýshylarǵa Astana qalasynda 409,197 mln.teńge, Almaty qalasynda 10,472 mln. teńge, Almaty oblysynda 6,634 mln. teńge, Aqmola oblysynda 7,400 mln. teńge, Atyraý oblysynda 1,685 mln. teńge, Aqtóbe oblysynda 6,340 mln. teńge, Jambyl oblysynda 2,624 mln. teńge, Shyǵys Qazaqstan oblysynda 30,364 mln. teńge, Batys Qazaqstan oblysynda 0,286 mln. teńge, Qostanaı oblysynda 102,624 mln. teńge, Qaraǵandy oblysynda 251,00 mln. teńge, Qyzylorda oblysynda 10,476 mln. teńge, Soltústik Qazaqstan oblysynda 6,253 mln. teńge, Pavlodar oblysynda 2,183 mln. teńge, Ońtústik Qazaqstan oblysynda 4,078 mln. teńge aqshalaı qarajatty qaıtarý júzege asyryldy.
«Egemen-aqparat».