Jeńimpazdar joly

Búgin Astanada I Sporttyq forým bastalady ELDIKTI TANYTATYN EREN IS Tamyz aıynyń úshinshi jeksenbisinde elimizde kásibı mereke  – Sport kúnin atap ótý ıgi dástúrge aınaldy. Bul merekeni dene tárbıesi jáne sport salasynyń qyzmetkerleri men sport jurtshylyǵy úshin ǵana emes, sonymen birge salamatty ómir saltyn ustanatyn barlyq qazaqstandyqtar úshin mańyzdy mereke dep sanaımyn. Osy bir aıtýly mereke – Sport kúninde sportqa qyzmet etip, ony serik etken  árip­tes­terimdi, sporttyq jetistikterimen elimizdiń ataq-dańqyn art­tyryp júrgen sportshylardy shyn júrekten quttyqtaǵym keledi. Bul kúni elimizdiń barlyq óńirlerinde sport alańdary, stadıondar men basseınder sport­tyq rýhpen jigerlengen, jeńiske, tán saýlyǵyn saqtaýǵa umtylǵan azamattardyń merekelik kóńil-kúıine bólenedi. Adam boıyn­da­ǵy dál osy qasıetter bizge jańa kúsh-qýat berip, ıgi ister men jeńisterge jeteleıtini sózsiz. Sport adamnyń boıynda erik pen patrıottyq sezimdi, qaısar minez ben ádil oı qasıetin, je­ńiske umtylý talabyn qalyp­tas­tyrady. Dene tárbıesi adam­nyń tán jáne jan sulý­ly­ǵyn qa­lyptastyrýǵa, salamatty ómir saltyn ustanýǵa yqpal etedi, teris qylyqtardan boı­dy aýlaq salyp, ómirdi súıýge tárbıeleıdi. Memleket basshysy sport­ty áleýmettik saıasatqa iske asyrýdyń, halyqtyń ómir súrý deńgeıin arttyrýdyń tıimdi qu­raly jáne halyqtyń ál-aýqa­tynyń mańyzdy  bóligi  re­tinde qarastyra otyryp, Qa­zaqstan halqyna Joldaýynda jáne «Qazaqstan-2020» strate­gııa­lyq damý josparynda sport­tyń buqaralyq sıpat alýyna qol jetkizýdiń merzimderi men nysanaly ındıka­torlaryn aıqyndap berdi. Elbasy Nursultan Nazarbaevtyń bastamasynyń arqasynda otandyq sport­shylardy jan-jaqty qoldaý, jańa sport keshenderi men mektepterin salý, eldegi sport zaldarynyń, stadıondar men aýlalardyń mate­rıal­dyq-tehnıkalyq bazasyn nyǵaı­tý – eldiń áleýmettik-ekonomıkalyq saıasatynyń basymdyqtarynyń birine aınaldy. 2011 jyly Qazaqstan Respýblıkasy Táýelsizdigine 20 jyl tolady. Egemendi elimiz ótken eki onjyldyqta áleý­met­tik-ekonomıkalyq jáne saıası damýda joǵary nátıjelerge qol jetkizdi. Osy úderisterdiń ajyramas bir bó­ligi retinde dene tárbıesi men sporttyń damýy da ómiri­miz­den óz ornyn aldy. Elbasy­myz atap ótkendeı, sport – bul tek sala­matty ómir sal­tyn nasıhattaý ǵana emes, sonymen birge, myqty da deni saý zııaly ultty qalyptas­tyrý úshin negiz. Osy jyldyń basty sporttyq oqı­ǵasy – VII Qysqy Azııa oıyndary­nyń bol­ǵany belgili. Qazaqstan osy oıyn­darmen Táýelsizdiktiń 20 jyldyǵyna arnalǵan is-sharalardyń shymyldyǵyn ashty. Oıyndardy sátti ótkizý jáne atletterimizdiń sporttyq jetistikteri Qazaqstannyń saıası, ekonomıkalyq jáne áleýmettik turaqtylyǵynyń jar­qyn aıǵaǵy boldy. Búgingi kúni de el Táýelsizdiginiń 20 jyldyǵyna arnalǵan is-sharalar jal­ǵa­syn tabýda. Solardyń biri –  19-20 tamyz aralyǵynda Astana qalasyn­daǵy Beıbitshilik jáne kelisim sara­ıyn­da ótetin «Bıznestiń, qoǵamnyń jáne memlekettiń qatysýymen I Sport­tyq forým». Bul arada sońǵy jyldary jeke bıznes ókilderi sportty qoldaý jónindegi ınvestısııalyq saıasatyn belsendi júr­gizip kele jatqanyn atap aıtýǵa bola­dy. Memleket basshysy N.Á. Nazarbaev «Memleket pen bıznes tek ekonomı­ka­lyq máselelerdi ǵana emes, sonymen birge, áleýmettik máselelerdi sheshýde tolyqqandy áriptester bolýy tıis», dep atap kórsetti. Qazirgi zamanǵy sport – bul bıznes-ındýstrııa, munda sportt­yń marketıngtik jáne jarna­malyq múm­kin­dikteri belsendi qoldanylady. Búgingi ekonomıkalyq daǵ­da­rys pen ekonomıkalyq jahandyq trans­for­masııanyń jáne ózge de álem­dik qu­ry­lymdardyń negizinde oryn alǵan jaǵ­daı­larǵa qaramastan, sport barlyq ulystar men ulttardy, dinder men órkenıetterdi biriktiretin adamzat­tyń basty qundylyǵy men jetistigi bolyp qala beredi. Qazaqstan Táýelsizdiginiń 20 jyl­dy­ǵyna arnalǵan Sporttyq forým elimizdegi qoǵamnyń, bıznes pen sporttyń óz­ara yntymaqtastyǵy men perspektı­va­lary­nyń neǵurlym mańyzdy máse­le­lerin qa­ras­tyrý úshin memlekettik vedomstvo­lar­dyń ókil­derin, sporttyq klýb­tar­dyń jetekshilerin, ın­vestorlar men sport­tyq sarapshy­lar­dyń ba­syn qosady. Forýmnyń basty erek­­sheligi onyń aıa­syn­da mınıstrlikter arasynda sport­ty damy­tý­ǵa arnalǵan óz­ara memorandýmdar ja­sa­lyp, odan keıin ult­tyq sport túrleriniń bedelin artty­ra­tyn, jastar arasynda patrıot­tyq sezimdi na­sı­hat­taı­tyn qa­zaq kúre­si­nen Pre­zıdent N.Á.Na­zar­­baev­­tyń júldesine ar­nal­ǵan «Qa­­zaq­stan bary­sy» respýb­lıkalyq jary­sy men prezıdenttik mılge jú­girý  ótkiziledi. I Sporttyq forým aldyna qoıǵan mindet-maqsattary oryndalyp, bul joba qoǵam men memlekettiń erkin dıalogy­nyń úlgisi bolatynyna senimdimin. Bú­gin­de, sportshy qaýymnyń aldynda 2012 jyly London qalasynda ótetin Olımpııa oıyndaryna qurama komanda­lar­dy daıarlaý jáne qajetti joldama­lar­dy ıelený jóninde mindetter qoıy­lyp otyr. Birlesken kúsh-jigerimiz ben úılesimdi jumystyń nátıjesinde Qazaqstannyń sporttyq aıbynyn taǵy bir ret dálel­deımiz dep senemin. Kásibı mereke qarsańynda Táýelsiz Qazaqstannyń sporttyq jylnamasyna altyn áriptermen jazylatyn olımpıa­da­shy – sportshylarymyzdyń attaryn erekshe atap ótkim keledi. Olardyń sport­taǵy jeńisteri men jetistikteri  otandyq sport­tyń dańqy men aıbynyn arttyra tú­sedi. Olar: Jaqsylyq Úshkempirov, Serik Qonaqbaev, Dáýlet Turlyhanov, Vladımır Smırnov, Vasılıı Jırov, Alekseı Parygın, Iýrıı Melnıchenko, Ermahan Ybyraıymov, Baq­tııar Artaev, Olga Shıshıgına, Bekzat Sat­tarhanov, Aleksandr Vınokýrov, Baqyt Sársekbaev, Ilıa Ilın. Biz 2012 jyly Londonda ótetin Olımpııa oıyndarynda otandyq sport­tyń tarıhynda jańa jarqyn betterdiń ashylatynyna senimdimiz. Qurmetti sport ardagerleri, áriptester, jýrnalıster, ǵalymdar, sport dárigerleri, salamatty ómir saltyn ustanýshylar, jankúıer­ler, sportqa qatysy bar barsha qaýym! Osy bir aıtýly kúnde barshańyzdy merekemen quttyqtap, shyn júrekten myqty densaýlyq, baqyt pen baq-bereke tileımin, tolaǵaı tabystarǵa jetip, ıgi bastamalaryńyz júzege asa bersin! Talǵat ERMEGIIаEV, Týrızm jáne sport mınıstri.