Japonııada jer silkinisi boldy

Japonııanyń shyǵys jaǵalaýynda 6,5 balldyq jer silkinisi boldy, dep habarlady Reıter agenttigi japon meteorologııa agenttigine silteme jasaı otyryp. Zilzalanyń oshaǵy osy jyldyń naýryz aıyndaǵy tabıǵat apatynan zardap shekken Fýkýsıma qalasynan 113 shaqyrym jerde bolǵan. Japon meteorologııa agenttigi alǵashynda jarty metrlik bıiktiktegi sýnamı qaýpi týraly eskertkenimen, arada 35 mınót ótkende ondaı qaterdiń joq ekeni habarlanǵan. Qurban bolǵandar men qıraǵan ǵımarattar týraly málimetter joq. GAZA SEKTORYNDAǴY JANJAL Eılata kýrortynyń tóńireginde beısenbi kúni oryn alǵan terrorlyq akt saldarynan týyndaǵan Izraıl men Gaza sektory arasyndaǵy janjal barǵan saıyn shıelenise túsýde. Jaýap retinde juma kúni Gaza sek­torynan Izraılge birneshe reaktıvti zymyrandar jiberilgen. Al Izraıl áýe qarýly kúshteri bolsa, beısenbi kúni Gaza sektory aýmaǵyna alǵashqy soqqy jasady. Sonyń saldarynan Palestınanyń jeti turǵyny, «Halyq qarsylyǵy komıteti» tobynyń komandıri Kamal an-Naırab pen onyń tórt kómekshisi qaza tapqan. Bombalaý túnde de jalǵasqan kórinedi. TÁÝELSIZDIK KÚNINDEGI TERAKTILER Ulybrıtanııadan táýelsizdik alǵan kúni – 19 tamyzda Aýǵanstanda 5 terakt jasalyp, sonyń saldarynan kem degende 34 adam qaza tapqan. Alǵashqy jarylys Aýǵanstannyń batysyndaǵy Gerat provınsııasynda shaǵyn avtobýsta oryn alǵan. Jarylys 24 adamnyń, onyń jeteýi balalar ómirin qıǵan kórinedi. Onyń syrtynda taǵy toǵyz adam aýyr jaraqattar alǵan. Aýǵanstan astanasy Kabýlda da qatarynan tórt jarylys bolǵan. Eki jankeshti terrorshy Brıtan keńesi jáne brıtan mádenı ortalyǵy ókildigine shabýyl jasaǵan. MADRID PAPANY SALQYN QABYLDADY Úsh jylda bir ótetin Búkilálemdik katolık jastary kúni sheńberinde Ispanııaǵa kelgen Rım Papasy Benedıkt HVI-ny Madrıd qonaqjaıly­lyq­pen qabyldamaı otyr. Jumyssyzdyq deńgeıi búginde 21 paıyzǵa jetken Ispanııa jastary daǵdarystan zardap shekken ıspan bıýdjetine katolıktik merekelik sharalardyń qanshalyqty qymbatqa túsetinine óz narazylyqtaryn bildirý úshin kóshelerge shyqqan. Madrıdtiń ortalyǵynda oryn alǵan tártip­siz­dikter saldarynan alǵashqy kúni 11 adam, onyń ishinde 2 polıseı zardap shekken. Katolık shirkeýiniń ókilderi bıýd­jet shyǵyny týrısterden túsken tabystar arqyly ornyna keledi dep sendirgenimen, kóptegen ıspan jastary pontıfıktiń saparyna jyly qabaq tanytpaı otyr. IRAKTAǴY KÝRD BAZALARY BOMBALANÝDA Túriktiń bombalaýshy ushaqtary Kýrd jumysshy partııasynyń lagerlerin joıý jónindegi jańa opera­sııa­ny bastady, dep habarlaıdy CNNturk. Túrkııa qarýly kúshteriniń segizinshi áýe bazasynyń bombalaǵysh ushaqtary Kandıl, Hakýrk, Metına jáne basqa da eldi mekenderdi bombalaýda. Sonymen birge Túrkııa aýma­ǵynda da KJP men turaqty armııa arasynda qaqtyǵystar jalǵasýda. Kýrd sodyrlary bir mezgilde eki birdeı ýezdik polısııa basqar­ma­laryna shabýyl jasaǵan. Shabýyl sal­dary­nan túriktiń eki jaýyngeri qaza taýyp, tórteýi jara­lan­ǵan. Sol sııaqty eki terrorshy da ajal qushqan kórinedi. KORRÝPSIIаǴA QARSY AShTYQ JARIIаLADY 74 jastaǵy Anna Hazare esimdi gýrý Úndistandy jegi qurttaı ishten kemirip jatqan eń úlken qasiret – korrýpsııaǵa qarsy soǵys ashty. Ol kúsh kórsetý arqyly emes, ózi pir tutatyn Mahatma Gandı ósıet etkendeı, ashtyq jarııalaý arqyly kúresýde. Alǵashqy ashtyq jarııalaýyn ol bılik korrýpsııaǵa qarsy kúres týraly zań jobasyn jazýǵa qatysýdy usynǵan kezde sáýir aıynda tórt kúnnen soń toqtatqan bolatyn. Biraq tamyzdyń basynda jaryq kórgen antıkorrýpsııalyq zańǵa ol rıza bolmaı, ony «qatigez ázil» dep atady. Anna Hazare korrýpsııaǵa qarsy komıtettiń premer-mınıstrge, aǵa sýdıalar men parlament múshelerine qarsy aıyptaýlardy tergeı almaıtynyna qanaǵattanbaǵan kórinedi. ÝKRAINADAǴY EŃ YQPALDY ADAM KIM? Ýkraına prezıdenti Vıktor Iаnýkovıch «Korrespondent» basylymy qurastyrǵan reıtıngte eldegi eń yqpaldy adamdardyń basynda tur. «El basqarýdyń alǵashqy kúninen bastap qatań prezıdenttik bılikti shyńdaýǵa kirisken Iаnýkovıch bul iste asa zor jetistikke jetti, sóıtip «Korrespondentke» moıyndaýdan ózge amal qalǵan joq. Búkil basty laýazymdar onyń saıası kúshiniń – О́ńirler partııasynyń quzyrynda, tipti bılik tarmaqtary arasyndaǵy alaýyzdyq týraly aıtýdyń ózi artyq, basqarýdyń barlyq tizgini prezıdenttiń qolynda», dep dáleldegen basylym redaksııasy óz tańdaýyn. GRÝZIIаDAǴY AVTOBÝS APATY Beısenbi kúni Grýzııa aýmaǵynda jyraǵa qulap ketken jolaýshylar avtobýsynda 29 adam bolǵan, olardyń 5-i Reseıdiń, al 24-i Armenııa azamattary dep habarlaǵan Armenııa TJM qutqarý qyzmeti. Apat Kazbegı – Tbılısı jolynda oryn alǵan. Rostov – Erevan baǵytymen kele jatqan avtobýs 15 metrlik bıiktikten jyraǵa qulap ketken. Apattyń sebepteri týraly ázirge resmı málimetter joq, biraq avtobýs júrgizýshisi rólde kele jatyp qalǵyp ketken degen aqparat bar. Apat saldarynan 17 adam túrli dene jaraqattaryn alǵan. Internet materıaldary negizinde ázirlendi.