Elbasynyń Joldaýynda halyqtyń densaýlyǵyn jaqsartyp, salamatty ómir saltyn qalyptastyrý tapsyrylǵan. Osyǵan oraı jer-jerde jarqyn ister jalǵasýda. Osynyń dáleli retinde Úshtóbe qalasynda eki qabatty «Panda» sporttyq-saýyqtyrý kesheni ashyldy. Onda júzý basseıni, aerobıka, trenajer, voleıbol, basketbol, shaǵyn fýtbol oınaıtyn jáne balalarǵa arnalǵan arnaıy alańdar jan-jaqty jabdyqtalǵan.
Qazaqstandyqtardyń 30 paıyzy sportpen aınalysyp, halyqtyń jasynyń uzaqtyǵyn 72 jasqa deıin jetkizý mejelengeni belgili. Sport keshenin óz qarajatyna salǵan kásipkerge jurtshylyq rızashylyǵyn bildirdi. Qaratal aýdanynan S. Fılımonov, V. Sedov tárizdi Olımpıada jeńimpazdary shyqqanyn eskersek, keshende olardyń jańa izbasarlary tárbıelenetini anyq.
Keshenniń kógildir lentasy saltanatty túrde qıylyp, ájeler shashý shashty. Budan keıin jańa keshendegi sporttyq jarystar jalǵasty.
Kúmisjan BAIJAN.
Almaty oblysy.