Shirkin aqsha! Jolda jatsa...

«Oı­yn bıznesi týraly» Qazaq­stan Respýblıkasynyń zańyna sáı­kes kazınolar men oıyn avto­mat­tary zaldaryn Almaty obly­syn­­daǵy Qap­shaǵaı sý qoımasy ja­ǵa­­laý­larynda jáne Aqmola obly­sy­­nyń Shýche kalasynda orna­las­tyrý qaral­ǵan bolatyn. Alaıda, «Altyn kór­se, perishte joldan taıady» degendeı, jasyryn oıyn mekemelerin bas­qa jerlerde orna­las­tyrýǵa zań­men tyıym salynǵa­ny­na qaramas­tan, mundaı talapty belden basý­shy­lar qatary sırer emes. Aqtóbe oblysy boıynsha eko­nomıkalyq qylmysqa jáne sy­baı­las jemqor­lyq­qa qarsy kúres departamenti ótken jyly ob­lys ortalyǵynda osyndaı jasy­ryn oı­yn bıznesin uıymdastyryp, aqsha tabýdyń je­ńil jolyn kásip etken alty «kásip­ker­sy­maq­tyń» jo­lyn kesken. Olar­dyń ús­teri­nen qozǵal­ǵan qylmys­tyq is aıaq­talyp, aqsha dese, zańdy da, ar­dy da umy­typ ketetin mundaı ash­kóz­der tıisti jazalaryn aldy. E.Ten degen azamatsha eshqan­daı lı­sen­zııa­sy bolmasa da, 2010 jylǵy maý­sym-qa­ra­sha aılarynyń araly­ǵyn­da Aqtóbe qalasynda ǵımaratty jal­ǵa alyp, oıyn bıznesin uıym­dastyrýǵa baı­lanysty zańsyz ká­sip­kerlikpen aı­na­lysqan. Zańsyz tabysqa qunyq­qan ol Alma­tydan jetkizilgen bes oıyn appara­tyn iske qosyp, «Shirkin aqsha, jolda jatsa» dep áreket etken. Ol №2 Aqtóbe qalalyq so­ty­nyń úkimimen Qylmystyq ko­dekstiń 190-baby­nyń 1-bólimine sáı­kes qylmysqa kináli dep tabylyp, zańyz oıyn bıznesin uıymdas­ty­rý­dan túsken 836 myń teńge tabysyn, zattaı aıǵaq retinde alynǵan 461 myń teńgeni memleketke kiristeı oty­ryp, úsh aıda tapqan eńbek­aqy­sy 90 myń teńge kó­le­min­de aıyp tóleýge májbúr boldy. Mundaı jazadan «Trıntı» ka­fesiniń ǵımaratynda on úsh oıyn avtomatyn ornatyp, sonaý Alma­tydan arnaıy kelip, kúrep aqsha taýyp jatqan jerinen tutylǵan A. Mamınova da qutyla almady. «Jal­ǵandyq jarǵa jyǵady» degen osy. Sot sheshimimen ol zańsyz oı­yn bıznesinen tapqan 840 myń teń­ge tabysy men zattaı aıǵaq retinde alynǵan 131 myń teńgesin memleketke kiristep, 400 aılyq eseptik kórsetkish kóle­min­de 589 myń teńge aıyp tóle­p qutyldy. Bárinen de E.Soı degen azamat qulashyn keńge sermep úlgeripti. Lı­senzııasy bolmasa da, qonaq úı­diń birinshi qabatyn jalǵa alǵan alaıaq onda eki rýletkaly oıyn, 9 poker ús­telin, 2 elektrondy rýletka jáne 30 oıyn apparatyn or­na­typ, aqtó­belik ańqaýlardy aıǵa qa­ratyp kelgen. №2 Aqtóbe qala­lyq sotynyń úki­mimen oıyn bıznesinen túsken  1 mln. 765 myń teńge men zattaı aıǵaq retinde alynǵan 6 mln. 747 myń teńge jáne 11,5 myń AQSh dollary memleketke kiristelip, oǵan 400 aılyq eseptik kórset­kish kóleminde 589 myń teńge aıyp sa­lyn­dy. Sóıtip, jasyryn jol­men paı­da tappaq bolǵan oıy júzege aspaı, tapqan-taıanǵanyn túgel qusýyna týra keldi. Satybaldy SÁÝIRBAI. Aqtóbe oblysy.