Mádenıetke de kóńil bóline bastady

Almaty oblysynda úsh aýdannyń halyq teatr­la­ry­na bir bir avtokólik jáne jergilikti bıýdjetten 15 bir­­lik-shtattan berildi. Jaqynda Ile aýdanynyń Chapaı aýylynda aýdandyq halyq teatry jergilikti qalamger S.Jarqyn­bekov­tiń «Jambyldyń jastyq shaǵy» degen dramalyq qoıylymyn sahnaǵa shyǵaryp, jańa maýsymnyń beta­sha­ryn jasady. Oǵan bir jaǵynan aý­dan­dyq halyq teatryna paıdalanýǵa berilgen jańa avtokólik pen jergilikti bıýdjetten bólingen on bes shtat-birliktiń de zor yqpaly bol­dy. Ekonomıkasy damyǵan, órke­nıet­ke nyq qol sozǵan elder ǵana osylaı jasaıdy. Muny Qazaq­stan­nyń aıaǵy­nan tik turyp qana qoımaı, jańa belesterdi baǵyndyrýǵa bekem bel bý­ǵan­dyǵy dep qabyldasaq ta bolady. Memleket tarapynan osyndaı qup alarlyq jaǵdaı Almaty obly­sy boıynsha Raıymbek, Alakól aýdandaryna da jasalyndy. Atalǵan aýdandardyń halyq teatr­­­larynyń árqaısysyna oblys ákim­diginiń yqpalymen jergilikti bıýdjetten on besten birlik-shtat­tary beker bólinip otyrǵan joq. О́ıt­ke­ni, atalǵan osy úsh aýdanda da bu­ryn­dary halyq teatrlary ju­mys istep turdy. Birde dáýirledi, birde qalt-qult etse de, jergilikti kórkem­óner­pazdardyń jandy kómekteriniń arqa­syn­da tarap ketpedi. Ásirese, Ile aýda­ny­nyń halyq teatrynyń jaǵ­da­ıy qıyn boldy. О́ıtkeni, ol aýda­n­dyq ha­lyq teatry burynǵy tarap ket­ken Kúr­ti aýdanynyń halyq teatry bola­tyn. Aýdan taraǵanda Ile aýdanyna qo­sylǵan-dy. Shynynda da ol óte kúr­deli ýaqyt edi. Sharýa­shy­lyqtar tarap, árkim kúnkóris qamyn kúıttep ket­ken kez. Keıbireýler taraǵan sha­rýa­shylyqtardan ne nárse bolsa da kó­bi­rek qymqyryp qalýǵa tyrysty. Osyndaı aýmaly-tókpeli zamanda taraǵan aýdannyń halyq teatryna ıe bolyp qalǵan teatr rejısseri Gúlnár Ahmetbaeva ujymǵa jańa músheler tartyp, qoıylym­dar­dy sahnaǵa shy­ǵa­ryp, eldiń eńsesin kóterýge tyrys­ty. Ol áreketteri shy­nynda da nátı­je­li boldy. Qanatymen sý sepken qar­ly­ǵashtaı shyryldaǵan jannyń áre­ketin jurt ta túsindi. Qashan da qol­ushyn berýden tartyn­bady. Nátıje­sin­de taraǵan aýdannyń halyq teatry ýaqyt óte kele shıryǵyp, shıraı tústi. On bes shtat-birligi. Ol – on bes adam degen sóz. Bir halyqtyq teatrda on bes adam jumys istep, bala-shaǵa­syn asyraıdy. Durystap tań­dap, irik­tep, naǵyz ónerli adamdardy ju­mys­qa qabyldasa, osy teatrǵa berilgen on bes shtat-birlikten jáne bir orkestr de jasaqtaýǵa bolady. Birneshe konserttik baǵdarlamalar ázir­leý­ge de múmkindik bar degen sóz. Aýdandyq halyq teatrlaryna tipti Keńes ókimeti dúrkirep tur­ǵan­da da mundaı jaǵdaı eshqashan jasa­lyn­baǵan bolatyn. Nebári eki-aq shtat beriletin edi ol kezderi. Qoıýshy rejısser jáne sýretshi ǵa­na. Qalǵan kerekti adamdardy qoıý­shy rejısserler kórkemónerpazdar arasynan jınap alatyn-dy. Endi, mi­ne, aq túıeniń qarny jarylyp otyr. Marat QAShQYNBAEV. Almaty oblysy, Balqash aýdany, Baqanas aýyly.