2011 jylǵy 30 naýryz, Astana, Úkimet úıi
Qazaqstan Respýblıkasy Úkimetiniń 2007 jylǵy 23 tamyzdaǵy №731 qaýlysyna ózgerister men tolyqtyrýlar engizý týraly
«Etıl spırti men alkogol óniminiń óndirilýin jáne aınalymyn memlekettik retteý týraly» Qazaqstan Respýblıkasynyń 1999 jylǵy 16 shildedegi Zańynyń 15-babynyń 1, 3 jáne 8-tarmaqtaryna sáıkes Qazaqstan Respýblıkasynyń Úkimeti qaýly etedi:
1. «Alkogol ónimderin óndirý aýmaǵynda olardy saqtaýdy, kóterme jáne (nemese) bólshek saýdada satýdy qospaǵanda, alkogol ónimin saqtaý, kóterme jáne (nemese) bólshek saýdada satý jónindegi qyzmetti lısenzııalaý erejesi men oǵan qoıylatyn biliktilik talaptardy bekitý týraly» Qazaqstan Respýblıkasy Úkimetiniń 2007 jylǵy 23 tamyzdaǵy № 731 qaýlysyna (Qazaqstan Respýblıkasynyń PÚAJ-y, 2007 j., № 31, 343-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Alkogol ónimderin óndirý aýmaǵynda olardy saqtaýdy, kóterme jáne (nemese) bólshek saýdada satýdy qospaǵanda, alkogol ónimin saqtaý, kóterme jáne (nemese) bólshek saýdada satý jónindegi qyzmetti lısenzııalaý erejesinde:
7, 8, 9, 11, 14-tarmaqtardaǵy «jáne (nemese) lısenzııaǵa qosymshany», 12-tarmaqtaǵy «jáne (nemese) lısenzııaǵa qosymsha», 13, 16-tarmaqtardaǵy «jáne (nemese) lısenzııaǵa qosymsha», «jáne (nemese) lısenzııaǵa qosymshanyń», «jáne (nemese) lısenzııaǵa qosymshany» degen sózder alyp tastalsyn;
3-tarmaq mynadaı redaksııada jazylsyn:
«3. Alkogol ónimin óndirý aýmaǵynda olardy saqtaýdy jáne kóterme saýdada satýdy qospaǵanda, alkogol ónimin saqtaý jáne kóterme saýdada satý jónindegi qyzmetti júzege asyrýǵa arnalǵan lısenzııany ýákiletti organ beredi.
Alkogol ónimin saqtaý jáne bólshek saýdada satý jónindegi qyzmetti júzege asyrýǵa arnalǵan lısenzııany ýákiletti organnyń aýmaqtyq bólimsheleri beredi.»;
mynadaı mazmundaǵy 3-1-tarmaqpen tolyqtyrylsyn:
«3-1. Alkogol ónimin saqtaý, kóterme jáne bólshek saýdada satý jónindegi qyzmetti lısenzııalaý kezinde lısenzıarlar qyzmet obektisiniń ornalasqan jeri boıynsha ózderiniń aýmaqtyq organdarynyń qyzmetkerlerin tartýǵa quqyly.»;
mynadaı mazmundaǵy 4-1-tarmaqpen tolyqtyrylsyn:
«4-1. Lısenzııa naqty mekenjaıy boıynsha árbir qyzmet obektisine beriledi.»;
6-tarmaq alyp tastalsyn;
8-tarmaqtyń ekinshi bóligindegi «kúni ishinde» degen sózderden keıin «, al shaǵyn kásipkerlik sýbektileri úshin jeti jumys kúni ishinde» degen sózdermen tolyqtyrylsyn;
10-tarmaq mynadaı redaksııada jazylsyn:
«10. Lısenzııa barlyq qajetti qujattarmen qosa ótinish berilgen kúnnen bastap:
1) sýbektilerge alkogol ónimin saqtaý men kóterme saýdada satýǵa, sondaı-aq orta jáne iri kásipkerlik sýbektilerine alkogol ónimin saqtaý men bólshek saýdada satýǵa – otyz jumys kúninen keshiktirmeı;
2) shaǵyn kásipkerlik sýbektilerine alkogol ónimin saqtaý men bólshek saýdada satýǵa – on jumys kúninen keshikterilmeı beriledi.».
2. Osy qaýly resmı jarııalanǵanynan keıin jıyrma bir kún merzim ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.