Úleskerlerdi úmittendiretin úrdis

Keshe Almatyda jumys saparymen bolǵan Premer-Mı­nıstr­diń birinshi orynbasary О́mirzaq Shókeev turǵyn úı-kom­mý­nal­dyq sharýashylyǵyn jańǵyrtý jumystarymen jáne kúń­geıdegi bas qala men Almaty oblysyndaǵy úleskerler máselesin she­shý­de­gi salalyq baǵdarlamalardyń oryndalý barysymen tanysty. Shahardyń Tımırıazev kóshe­sin­degi 67-úıdegi qaıta jóndeý jumystarymen tanysqan О́.Shó­ke­ev turǵyn úı-kommýnaldyq sha­rýashylyq salasynda jyldar boıy qordalanǵan másele – eskirgen úılerge jóndeý jumystaryn júrgizý kerektigi ekenin atap ótti. «Bir jaǵynan, ol páterlerdiń bar­lyǵy jeke menshikte, sondyqtan memlekettik bıýdjetten oǵan tikeleı qarjy jumsaýǵa qaqymyz joq. Ekinshiden, turǵyndardyń qalta­sy birden úlken qarjyny jum­saý­dy kótermeıdi. Alaıda bul má­seleni tıimdi sheshetin tásil ta­bylǵan sekildi, ıaǵnı qaı­ta jóndeý jumystaryna jumsa­latyn qar­jy­nyń jartysyn memleket kóter­se, qalǵanyn turǵyn­dar ózderi kóte­redi», – dedi О́.Shó­keev. Sondaı-aq ol barlyq sheshim­derdi turǵyndar ózderi qa­byl­daıtyndyǵyn jetkizdi. Má­se­len, qandaı jóndeý jasaý kerek, oǵan qandaı qurylys ju­mystary kiredi, qandaı materıal­dardy paı­dalaný kerek, tipten jóndeý jumystaryn jasaıtyn qu­rylys kompanııalaryn tańdaý da tur­ǵyn­dardyń óz erikterinde. Sony­men qatar, memleket tara­pynan salynǵan qarjyny tur­ǵyn­dar 7-10 jylda birtindep qaı­tarý­la­ry kerektigin eskertip, bul tur­ǵyndarǵa úlken jeńildik ekenin aıtyp ótti. «Kóptegen qa­la­larda turǵyndar bul máseleni buryn durys túsinbeı keldi, qazir bu­nyń tıimdiligine kózderi jetip, jumys úlken qarqynmen júrip jatyr dep aıtýǵa bolady. Bul jumys Almatyda jaqsy jolǵa qoıylǵan. О́skemen qalasynda da is barysy jaman emes. Osy eki qalanyń úlgisimen eldegi barlyq qalalarda osy jumysty qarqyn­dy júrgizý qajet, – dep atap ótti birinshi vıse-premer. Bıyl Almaty qalasy boı­yn­sha 40 úı jóndelmek. Búginde onyń jıyrmadan astamynda jumys bas­talǵan. Bul turǵyn úılerdi qaı­ta jóndeýden ótkizý qanat­qaq­ty baǵdarlama bolǵandyqtan, is­tiń barysyn baıqap kórip, onyń sanyn kelesi jyldan bastap eki-úsh esege kóbeıtý kózdelýde. Bıyl atalmysh baǵdarlamaǵa respýblıka boıynsha 7,5 mlrd. teńge bó­linse, kelesi jyly 16 mlrd. teńge qarastyrylmaq. Bir aıta keterligi, turǵyndar bul baǵ­darlamany qoldap, oǵan degen senimderi ar­typ, ózderine óte paıdaly ekenin túsinýde. Odan keıin Premer-Mı­nıstr­diń birinshi orynbasary «Saıran» megaaýdanynda úlesker­ler­diń qa­ty­sýymen salynyp jatqan «2-kvartal», «20-kvartal», «29- kvartal» jáne «42-kvartal» tur­ǵyn úı keshenderindegi jumys ba­rysymen tanysty. Onyń aı­týyn­sha, 2008 jyly álemdik eko­nomıkalyq daǵdarys bastalǵan kezde elimizdegi 450 qurylys ny­sany toqtap qalyp, óz qarjysyn salǵan 62 myńnan astam úlesker óte aýyr jaǵdaıda qalǵan. Sodan beri Úkimet úleskerlerdiń máse­le­sin sheshý baǵdarlamasyn iske asyryp keledi. Odan keıin birinshi vıse-premer Almaty oblysynyń Qara­saı aýdanynda salynyp jatqan «Premera» turǵyn keshenine atbasyn buryp, ondaǵy qurylys bary­sy­men tanysty. Qurylys keshenin salýshylardyń biri «Almaty­gor­stroı» AQ-tyń bas dırektory Tań­atar Sultanbekov jumystyń belgilengen keste boıynsha júr­gi­zilip jatqany jóninde esep bere kele, búginge deıin 322 páterli 48 myń sharshy metr kóp qabatty 6 úıdiń 50 paıyzǵa deıingi ju­my­sy bitip, jyldyń aıaǵyna deıin óń­dep, árleý jumystaryna daıyn­dyq­taryn jasap, amandyq bolsa, kelesi mamyr aıynda úleskerler qonys toıyn toılaıtynyn habarlady. «Almaty oblysyndaǵy úles­ker­lerdiń jaǵdaıy sál qıyndaý. О́ıtkeni, Almaty mańynda úles­ker­lerdiń senimin paıdalanyp, qar­jylaryn jınap, tipten ju­mys­ty bastamaǵan 7-8 iri alaıaq kompanııa boldy. Osy máselemen oblystyq ákimdik jete aına­lysyp, buryn-sońdy qoldanyl­ma­ǵan tásilder paıdalanyldy. Má­selen, 6 kompanııanyń úlesker­lerin bir jerge shoǵyrlandyryp, qazir «Premera» degen iri nysan salynýda. Bul jerde 2111 úlesker óz páterin alady, bıyl tolyqtaı bitirmesek te, ár úlesker óz páterin óńdeý jumystarynsyz kóre alatyndyǵyna kózimiz jetip otyr. Kelesi jyldyń mamyr aıyna deıin bul úılerdi tolyqtaı bitirip, úleskerlerge tabystaı­myz», – dep atap ótti О́.Shókeev. Gúlzeınep SÁDIRQYZY.