Iýsýp KELIGOV, máslıhat depýtaty.
Parlament Senaty depýtattyǵyna kandıdattardy tańdaý joǵary deńgeıde ótkizilgendigin oryndy atap ótkim keledi. Saılaý úderisi jan-jaqty kórsetilip, oǵan kóptegen buqaralyq aqparat quraldary ókilderiniń qatysýy meni qýantty.
Odan basqa halyqaralyq uıymdar men sheteldik baıqaýshylardyń jáne ózimizdiń qoǵamdyq birlestik ókilderiniń saılaý barysyn baıqaýǵa kóptep kelýi demokratııanyń jarqyn kórinisi ispetti boldy. Meniń paıymymsha, biz Senat depýtattyǵyna laıyqty adamdy tańdap otyrmyz.
Gýrgen OGANESIаN, TMD baıqaýshysy.
Men ózim Armenııadan keldim, TMD baıqaýshylary quramyndamyn. Bizde mundaı janama saılaý tek qala ákimin saılaý kezinde oryn alady. Bir palataly parlament bolǵandyqtan, men úshin myna saılaý júıesi óte qyzyǵýshylyq týdyrdy. О́zin ózi usynýshy retinde jas úmitkerlerdiń de saılaýǵa túsip jatýy meni qýantty.
Áıtse de tańdaýshylar ómir kórgen, tájirıbeli adamǵa óz daýystaryn berdi. Ol túsinikti de. Osynyń ózinen-aq saılaýdyń qanshalyqty demokratııalyq negizde ótip jatqandyǵyn kórýge bolady.
Sergeı BRAGA, «Ýrıadovıı kýrer» gazetiniń redaktory.
V.Redkokashınniń jeńiske jeterine eshkimniń de kúmáni bolǵan joq qoı deımin. Jeńis nátıjesin onyń partııalyq ustanymynda emes, túsindirý jumystaryn jan-jaqty júrgizýinen kútý kerek shyǵar. О́ıtkeni, bir partııadan eki úmitkerdiń túsýi osyny meńzep otyr.
Máselen, Ýkraınada janamaly túrde saılaýshylardyń daýys berýi degen joq. Onyń ústine buqaralyq aqparat quraldarynyń kózinshe daýys berý nátıjesin jarııa etý maǵan óte unaıdy. Eń bastysy – munyń barlyǵy da ashyq jáne ádil ótti.
Muhtar ERKETAEV, V.Redkokashınniń senim bildirilgen adamy.
Senat depýtattyǵyna túsken kandıdatpen biz ekeýmiz komsomol kezinen birge jumys istep kelemiz. Osy óńirdiń týmasy. Tańdaýshylardyń barlyǵy derlik óz daýystaryn V.Redkokashınge berip jatýy onyń jumysyn bilgendikten dep túıýge bolady. Ol – qarapaıym jumysshydan osyndaı deńgeıge deıin kóterilgen tulǵa.
Al saılaýdyń qalaı ótkenine keler bolsaq, onyń zańdy túrde júzege asqanyna eshkimniń kúmáni bola qoımas. О́ıtkeni, barlyǵy da kóz aldymyzda ótti. Meniń oıymsha, Senat saılaýyn halyqqa keńinen túsindirý qajet. Men óz tarapymnan buqaralyq aqparat quraldary jáne ózge de joldarmen osy máseleni halyqqa keńinen jetkizgendeı boldym.
Jazyp alǵan Asqar TURAPBAIULY.