Ańdysqan jaý almaı qoımaıdy

Keshegi aqparattarǵa qaraǵanda, Mýammar Kadda­fıdiń rejimi qulaýdyń az-aq aldynda tur. О́tpeli ulttyq keńes (О́UK) ókilderiniń sońǵy málimetine qaraǵanda, el astanasy Trıpolı qalasynyń 20 pa­ı­yzdaıy ǵana Kaddafı áskeriniń baqylaýynda qal­ǵan. Biraq, soǵan qaramaı, kóterilisshiler jeńis­terin ashyq toılap jatty. Trıpolıdi alýdyń shabýyly NATO áskerı-áýe kúsh­te­riniń kómegimen jeksenbige qaraǵan túnde bastalǵan. Al­ǵashqy ekpinmen kóterilisshilerdiń kúshi Trıpolıden 27 shaqyrym jerde ornalasqan Kaddafıdiń áskerı bazasyn basyp aldy. Mundaǵy úzdik áskerdi Kaddafıdiń bir balasy Hamıs basqarǵan bolatyn. Jeksenbi kúni shabýyldar odan ári jalǵasyp, kóterilisshiler Trıpolıdiń ortalyǵyn túgel basyp aldy. Biraq polkovnıktiń senimdi áskerleri de jantalasa qarsylyq kórsetti. Jańbyrdyń zardaptary orasan Úndistanda tolastamaı jaýǵan mýs­­­sondyq nóserlerdiń kesirinen ondaǵan eldi mekender sý astynda qaldy. Soń­ǵy málimetterge qaraǵanda, 50-den astam adam qaza taýyp, 300 myńnan astam adam baspanasynan aıyrylǵan. Ásirese, Batys Bengalııada joldar buzylyp, temir jol qatynasy úzildi. Aýyl sharýashylyǵyna orasan zor shy­ǵyn­dar keltirildi. Bıhar, Assam, Ýttar-Pradesh shtat­ta­ryndaǵy jaǵdaılar da osyndaı. Sońǵy úsh kúnde túsken ylǵal mólsheri 850 mm-ge jetipti. Apattyń álegin joıý jumystaryna eldiń áskerı kúshteri tartylýda. Kıim arqyly jasalatyn jarnama Ystambul qalasyndaǵy ataqty Sultanahmet meshitiniń ımamdary aqsha túsirýdiń jeńil ádisin oılap taýypty. Olar meshitke keletin árbir musylman úshin dress-kod engizipti. Onyń mánisi: munda kiretin árbir musylman meshittiń sımvolıkasy kórsetilgen musylman kıimin avtomattan alýǵa tıisti etilgen. Musylmandyq kıimder klassıkalyq ıslamdyq úlgide tigilgen eken. Jyl saıyn bul meshitti kórýge 4-5 mln. týrıst keletin kórinedi. Olardyń árqaısysy osynaý kıimdi alǵanda meshitke az paıda túspesi belgili. Onyń ústine Sultanahmet meshitiniń syıkádelik kıimder arqyly tanylýy da arta túseri sózsiz. Jyldamdyqtyń tómendigi qutqardy Jeksenbi kúni Mysyrda eki jolaýshy poıyzy soǵylǵan. Qarama-qarsy kele jatqan poıyzdarǵa «kók jaryq» temir jol qyzmeti jaýapty ju­mys­shysynyń qateliginen jaǵylǵan bolyp shyqty. Abyroı bolǵanda, poıyzdardyń jyldamdyǵy tómen bolyp, sonyń arqasynda adam shyǵynyna jol berilmegen. Áıtpese, naǵyz apat oryn alady eken. Tek 15 adam ja­ra­lanyp, aýrýhanalarǵa jetkizilgen. Qazir eldiń prokýratýra organdary asa qaýipti qaterge ushyrata jazdaǵan qateliktiń sebebin anyqtaýda. Jaýapty jumys­shy­nyń mindetin atqarýshy adam birden qa­maý­ǵa alynǵan. Taǵy bir ushaq apatqa ushyrady Lenıngrad oblysyndaǵy Ropsha kentiniń mańyndaǵy egis alańyna senbi kúni jeke menshik ushaq qulap, tórt adam qaza tapty. Ashyq alańǵa qulaǵannyń arqasynda ǵana úlken apattyń joly kesildi, áıtpese jaryl­ǵan áýe kemesiniń qyzýy úlken zardap ákeleri sózsiz eken. Qazir ushaqtaǵy jan­dar­dyń kimder bolǵany anyqtalýda. Osy Lenıngrad oblysynda bes kún ǵana buryn tórt kisilik jeke menshik ushaq apatqa ushyraǵan edi. Onda ushaq elektr júıesiniń baǵanyna soǵylǵan bolatyn. Kinálilerdi anyqtaý barysynda ushqyshtyń aspanǵa kóterilýge eshqan­daı quqy bolmaǵandyǵy anyqtalyp, bar jaýapkershilik soǵan aýdarylǵan edi. Múgedekter qamqorlyqqa zárý Qyrǵyzstandaǵy densaýlyǵy dim­kás jandardyń quqyǵyn qorǵaıtyn qoǵamdyq uıymdar eldiń premer-mınıstri A.Atambaevqa hat joldap, úki­mettiń ózderi qoldaıtyn jandarǵa eshqandaı kómek qolyn sozbaıtynyn dáleldep berdi. Hatta múgedek jandar úshin jumys oryn­da­ry­nyń kvo­talanbaıtyndyǵy, salynyp jatqan úılerde pandýs qaras­tyrylmaıtyny jáne t.b joqtyǵy aıtylǵan. Qa­zir Qyr­ǵyz­standa 133 myń múgedek jan bar eken jáne olar jyl saı­yn 4-5 paıyzǵa kóbeıip otyratyn kórinedi. Al 10 jyldan keıin bulardyń sany 200 myńǵa jetpekshi. Qo­ǵam­dyq uıymdar osyndaı jandarǵa qamqorlyqty premer-mı­nıstr­diń ózi tikeleı baqylaýǵa alýyn ótingen. Qysqa qaıyryp aıtqanda: • Sankt-Peterbýrgtiń gýbernatory V.Matvıenko mýnısı­pal­dyq saılaýda 90 paıyzdan artyq daýys jınap jeńiske jet­ti. Keshe ol gýbernatorlyq taqty bosatyp, Federaldyq Ke­ńestiń depýtattyǵyna ótti. Munda ol spıkerdiń taǵynan úmit etip otyr. • Brıtanııa premer-mınıstri D.Kemeron keshe jýrnalıster aldynda sóılep, M.Kaddafıdi Lıvııa halqy sottaýy kerek ekenin málimdedi. Sonymen birge, Brıtanııa úkimeti onyń tutqyndalǵan esep-shottaryndaǵy qarajatty kóterilisshilerge bosata bas­­taıtynyn jetkizdi. • Máskeýde taǵy da ortalyqazııalyq azamattar sheıit bol­dy. 31 jastaǵy ózbek áıeli eki qyzymen birge qylqyn­dy­ry­lyp óltirilgen. Kúdikti ustalypty. • Jeksenbi kúni Sırııa prezıdenti Bashar Asad eldiń tele­ar­na­sy arqyly sóılep, óziniń taqtan ketpeıtinin málimdedi. Ol mem­le­kettiń qaýipsizdik kúshteri eldegi tártipti saqtaı alatynyn jarııalady.

Internet materıaldary negizinde ázirlendi.