Namysty uldarymyz mol bolǵaı!

Kópshilik bizdiń Jańajoldy  «balýandar aýyly» retinde jaqsy biledi. Bul dástúr áli kúnge deıin úzilgen emes. Ulttyq sport túrleri boıynsha  balalar men jasóspirimder mektebiniń /USBJM/ fılıaly ashylǵaly  ulttyq ónerimizdi serik etýshiler qatary  óse tústi. Qazir onda  40-qa tarta balǵyn  jattyǵady.  Bu­ryndary aýyldaǵy jıyn-toılar oıyn-saýyqsyz ótpeıtin. Kúres dese, eki bilegin sybanyp, ishken asyn jerge qoıatyn qara­domalaq balalar kók maısany  kúres ala­ńy­na aınaldyratyn. «Kúsh atasyn tany­mas» demekshi,  ádis-tásili asqandar qar­sy­lastaryn alyp ta, shalyp ta jyǵatyn. Záýzát, Janataı Shotkınder, Sársenbek Ojyqaev, Igilik Ábdirahanov, Aıdar Qalıjanov sekildi  jańajoldyq balalar osylaı shynyǵyp ósip, keıin úlkender sapynda da namys­ty týyn joǵary ustady.  Meniń qaınym Erik te  kúrespen aınaly­syp, balam Batyrhan oǵan eliktep ósti. Bul kúni shalaqyndyqtar balamdy oqýshylar arasynda Qyzyljar óńirinen top jarǵan tuńǵysh el chempıony retinde maqtan tutady. Bul oraıda, Batyrhandy  qazaq kúresiniń qyr-syryna talmaı úıret­ken  jattyqtyrýshy Bolat Nurta­zınge degen alǵysym sheksiz. 5 jyldyń ishinde  talaı  bıik asýlardy baǵyndy­rýy­na zor úles qosty. Mektep oqýshy­lary arasynda aı­maq­tyq jarystarda birneshe ret jeńimpaz atanyp, oblystyq quramaǵa qabyldandy. 2009 jyly res­pýblıkalyq dodada alǵash ret tusaýy kesildi. Petropavl qalasynda ótken el chempıonatyna 300-ge jýyq bal­ǵyn balýan qatysyp,  balam 57 kılo sal­maq dáre­jesi boıynsha júldeli ekinshi oryn­­ǵa kóterildi. Kelesi jyly  doda Qyzyl­orda qalasynda kók baıraǵyn jelbiretip, onda úshinshi oryndy jeńip aldy. Bıyl Kókshetaý qalasynda óte tartysty ótken básekede  barlyq qarsylastaryn utyp, jeńistiń eń bıik tuǵyryna kóterildi. Batyrhan bıyl Almatydaǵy  dene tárbıesi akademııasyna oqýǵa túsip, budan da bıik asýlarǵa jetýdi asyl maqsat etip otyr. Sóz arasynda onyń  kú­res­pen túbe­geıli aınalysyp, baıraq­ty jarystarǵa qatysýyna múmkindik tý­dyrǵan, qarjylaı kómektesken azamat­tarǵa degen rıza­shy­lyǵymdy bildire ketkim keledi.  USBJM dırektory Eslám­bek Bekmurzın, oblystyq kúres qaýym­dastyǵynyń tóraǵasy Baýyr­jan Qul­janov sekildi azamattardyń sha­rapaty mol tıdi. Aýdandyq ákimdik, sport jáne týrızm basqarmasy da talaı ret demeýshilik kórsetti. Qaınym Erik qolynan jetelep, úlkendi-kishili báıgelerdiń birde-bireýinen qaldyrǵan joq. Jyl ótken saıyn elimizde  sportpen shuǵyldanyp, salamatty ómir saltyna umtylýshylar qa­ta­ry ósip keledi. Oǵan Elbasynyń Joldaýy erekshe serpin berdi. Osydan 37 jyl buryn  Baýyrjan aǵasy  qazaq kúresinen el jeńimpazy bolsa,  osynsha ýaqyttan keıin mundaı baqyt meniń balama buıyrdy.  Aýyldan shyqqan qazaqtyń ul-qyzdary álemdik deńgeıde qazaq eliniń mártebesin tasytyp, namysyn qorǵap jatsa, budan asqan qýanysh joq. Analyq tilegim bul! Balǵyn JAǴYPAROVA. Soltústik Qazaqstan oblysy, Shal aqyn aýdany, Jańajol aýyly.